Flagg vun Grenada

De Flagg vun Grenada wurr an’ 7. Februar 1974 offiziell inföhrt.

Bedüden[ännern | Bornkood ännern]

De söven Steerns vun de Flagg vun Grenada symboliseeren de Hapen up en good Tokunft un staht för de söven Gemeende vun dat Land: St. George’s (de Steern in de Midden vun de Flagg steiht för den Hööftoort), St. John, St. Mark, St. Patrick, St. Andrew, St. David un de Grenadinen.

Beschrieven[ännern | Bornkood ännern]

De Farven wurrd as folgt düüt:

De root Rand steiht för Harmonie un Eenheit un wiest up den Moot hen, de nötig weer, um unafhängig to wurrn.
Geel steiht för de Sünn un de Fründlichkeit vun de Inwahners un to glieker ok för de Wiesheit.
Gröön drückt de Fruchtborkeit vun de Landweertschap ut, de volkswertschaplich Basis vun dat Land.

In dat linke gröön Dreeeck befind sück en Muskatnööt, dat wichtigst Exportgoot vun dat Land.

Historie[ännern | Bornkood ännern]

Vör de Unafhängigkeit weer tüschen 1967 un 1974 as Flagg vun dat assozieert Rebeet en blau-geel-gröön horizontaal Trikolore mit Emblem in Gebruuk. Tüschen 1875 un 1974 geev dat ok twee Blue-Ensign-Kolonialflaggen (een bit 1903, de anner dornah) mit en Siegel in de Floogdeel.