Flagg vun Fidschi

Vun Wikipedia
Flagg vun Fidschi, Siedenverhältnis 1:2 Vexillologisches Symbol=Natschonalflagg an Land

De Flagg vun Fidschi wurr an' 10. Oktober 1970 offiziell inführt. To Tiet wurrd en mögelk Ännern vun de Natschonalflagg diskuteert. Se sall eventuell en lokales Motiv kriegen.[1]

Beschrieven[ännern | Bornkood ännern]

De Flagg bun den Inselstaat drocht wegen de Liddmaatschap in den Commonwealth of Nations in dat Bövereck en Union Jack. De Union Jack nimmt nipp un nau en Veertel vun de Flaggenflach in. Vörbild för de Flaggengestalten weer de Blue Ensign, en blau Fahn mit Union Jack in dat Bövereck. In' Gegensatz to de Blue Ensign is dat Blau düütlich heller un sall för den Himmel un de See stahn. Dat hell Blau is todem afsichtlich to dat betere Ünnerscheeden to de Flaggen vun Australien un Niegseeland wählt wurrn.

An dat fleegen Enn' steiht dat Wappen vun Fidschi, de sien ünnere Deel dör en Georgskrüüz geveertelt is. Dat eerste Feld, baben links, enthollt dree Suckerrohrplanten, dat tweete, baben rechts, enthollt en Palme. In dat darte Feld, ünnern links, is en witt Freedensduuv afbildt, un dat letzte Feld, ünnern rechts, wiest en Banaanstaude. Doröver befind sück de golden britisch Lööw, de en Kokosnööt in de Pranken hollt.

Bedüüden[ännern | Bornkood ännern]

Blau symboliseert de See. 1874 hett sück Fidschi de Hoheit vun England ünnerstellt, eerst 100 Johr later kreeg de Staat de Unafhängigkeit torüch. In dat Wappen sünd en Freedensduuv un de wichtigsten Anbauprodukte vun dat Land (Banaanen, Suckerrohr, Kokospalme) dorstellt.

Historie[ännern | Bornkood ännern]

To britisch Tieden weern verscheeden Kolonialflaggen in Gebruuk, de all de Form vun en Blue Ensign mit Wappen oder Emblem in' Floogdeel harr. De letzte Version vun disse Flagg weer tüschen 1924 un 1970 in Gebruuk.

Wiedere Flaggen vun Fidschi[ännern | Bornkood ännern]

Fidschi bruukt dat britisch Flaggensystem. (Red Ensign, Blue Ensign un White Ensign)

Enkeld Nahwiesen[ännern | Bornkood ännern]

  1. Offiziell Siet, de den Flaggenfinnensperzess dokumenteert

Literatur[ännern | Bornkood ännern]

  • Karl-Heinz Hesmer: Flaggen und Wappen der Welt. Geschichte und Symbolik der Flaggen und Wappen aller Staaten. Bertelsmann Lexikon Verlag, Gütersloh 1992, ISBN 3-570-01082-1.

Weblenken[ännern | Bornkood ännern]

Flaggen vun Fidschi. Mehr Biller, Videos oder Audiodateien to’t Thema gifft dat bi Wikimedia Commons.