Finn Erling Kydland

Vun Wikipedia
Finn E. Kydland (2004)

Finn Erling Kydland (* 1. Dezember 1943 in Ålgård bi Stavanger) is en norweegsch Ökonom. Tosommen mit Edward Christian Prescott kreeg he 2004 för sien Bidrääg to de dynamisch Makroökonomie den Nobelpries för Wertschapswetenschapen.

Leven[ännern | Bornkood ännern]

Kydland is as dat öldste vun söss Geschwistern up den Hoff vun sien Öllern in Søyland, Gjesdal, in de Region Jæren in dat südwestlich Norwegen upwussen. He kreeg sien Doktertitel in Ökonomie 1973 vun de Carnegie Mellon University. He hett all immer mit Edward Christian Prescott tosommenarbeit. Kydland und Prescott hemm ünnersöcht, worum sück Wertschap nich gliekmatig entwickelt, sonnern Phasen vun den Upswung immer weer vun Phasen vun de Rezession aflöst wurrn. In’ Karn kommt de beid to dat Ergevnis, dat de Verantwortung dorför in de schuuvwies Entwicklung vun nee Technologien liggt. Dordör wurrn Priesen, Produktivität un Löhne verännert un so Konjunkturzyklen utlööst. En wieder Ünnersökensrebeet bedraapt den Infloot vun Geld- un Wertschapspolitik up disse Zyklen. Hier kommt se to den Sluss: „Je glaubwürdiger Politik und Nationalbank wirken, um so stabiler ist der jeweilige Konjunkturverlauf.“ Dat Nobel-Komitee hett betoont, dat ok de wesentlichen Bedüüden vun de Ergevnisse up de Praxis vun völ Länner in Betoog up Geld- un Wertschapspolitik en Utslag för dat Toerkennen vun den Pries harr.

Kydland is Perfesser för Wertschapswetenschapen an de Tepper School of Business vun de Carnegie Mellon University un an de University of California, Santa Barbara. He is ok Perfesser an de Norweegsch Hannelshoochschool Bergen.

Persönliches[ännern | Bornkood ännern]

Kydland hett 1968 Liv Kjellevold heiraadt, mit de he veer Kinner hett, twee Söhns (Eirik, Jon Martin) un twee Döchter (Camilla un Kari). Nahdem he vun hör schett is, is he nu mit Tonya Schooler verheiraadt.[1]

Weblenken[ännern | Bornkood ännern]

Finn Erling Kydland. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. afroopen an‘ 9. August 2015