Fehmarnsund
De Fehmarnsund oder Op'n Sund[1] is en Waterstraat, de de Kieler Bucht un de Mecklenbörger Bucht verbinnen un Fehmarn un Holsteen scheden deit. De Wetenschop seggt, dat de Fehmarnsund vör 1400 Johren tostannen kamen is. Denn is de Sund breeder un breeder woren, hüüt is he 1400 Meter breed. Bit to dat Johr 1963 hett dat ein Fährschipp geben, de Grotenbro und Fehmarn verbunnen hett. Op dat Schipp hebbt ok twee Iesenbahnwaggons roppasst. In de 1960er Johren is de Fehmarnsundbrüch boot woren un in Mai 1963 för den Verkehr freegeven woren.