Falkenbarg (Hamborg)
Falkenbarg (hoochdüütsch Falkenberg) weer en Hoff in Neegraven in Hamborg (vondaag Stadtdeel Neegraven-Fischbeek in’n Bezirk Horborg).
Geografie
[ännern | Bornkood ännern]De Falkenbarg is en 64,8 Meter över NN hogen Tügenbarg, de nableven is, as dat Water, dat de Gletschers von de Wießel-Iestied bi’t Smölten billt hebbt, de aflagert Sedimenten ut de Saal-Iestied in de Gegend wegswemmt hebbt. He höört to de Horbörger Bargen. De Falkenbeek hett sien Born an’n Falkenbarg.
Dicht bi’n Barg leeg de Hoff Falkenbarg.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1859 to de Huusvaagdie Mesborg von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.
Mit dat Groot-Hamborg-Gesett 1937 is de Oort Deel von de Stadt Hamborg worrn.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 1 Huus |
| 1. Dezember 1871[2] | 13 Lüüd, 3 Hüüs |
Religion
[ännern | Bornkood ännern]Falkenbarg weer evangeelsch-luthersch präägt un hett to dat Kaspel von de Nicolai-Kark in Ilsdörp tohöört. Siet 1911 höört dat Rebeed to de Karkengemeen von de Michaelis-Kark in Neegraven.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 99
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131
Koordinaten:53° 28′ N, 9° 52′ O