Eugene Delmar

Eugene Delmar (* 12. September 1841 in New York City; † 22. Februar 1909 ok dor) weer en vun de führend US-Schachmeester vun dat 19. Johrhunnert.

Schachloopbahn[ännern | Bornkood ännern]

Delmar weer veer Mal Meester vun den US-Bundsstaat New York (1890, 1891, 1895 un 1897). He speel 1879 en Wettkamp in New York mit acht Partien gegen Samuel Loyd un wunn 6:2 (+5 =2 −1). Bi den fievten USA-Kongress 1880 keem he up Platz 6 bi teihn Spelern mit 9,5 Punkten ut 18 Partien. Ok in New York speel he 1888 en Wettkamp mit acht Partien gegen Samuel Lipschütz un wunn ok hier 5:3 (+5 =0 −3). Bi den sössten USA-Kongress 1889 keem he up Platz 9 bi 20 Spelern mit 18 Punkten ut 38 Partien. Bi den Revanchewettkamp in New York 1890 verlor he in 13 Partien gegen Samuel Lipschütz 4,5:8,5 (+3 =3 −7), wunn aber in dat sülvig Johr den Wettkamp gegen Robert Henry Barnes (7 Siege, 1 Unentscheeden). Ganz klor verlor he in Skaneateles 1892 en Wettkamp gegen Albert Beauregard Hodges, he verlor all 5 Partien.

Nich völ beter leep dat bi dat Turnier in Manhattan 1893: Bi teihn Spelern keem he up den letzten Platz mit 2,5 Punkten ut negen Partien. Bi dat Turnier in New York 1893, wo Emanuel Lasker mit 13 Punkten ut 13 Partien siegte, weer he immerhen deelt 3.–5. (nah Fienwertung Fievt) mit 8 Punkten ut 13 Partien. Dormit leeg he aber noch vör James Moore Hanham un Harry Nelson Pillsbury. Knapp verlor he in New York 1893 en Wettkamp gegen Carl August Walbrodt mit 5:6 (+4 =2 −5). Bi dat Turnier in New York 1894, bi dat Wilhelm Steinitz winnen dee, weer he up den 5.–6. Platz (nah Fienwertung Sösst) mit 5 Punkten ut 10 Partien. Düütlich verlor er in New York 1894 en Wettkamp gegen Adolf Albin mit 2:5 (+2 =0 −5). Bi dat düchtig stark besett Turnier in Cambridge Springs 1904 wurr he Letzter vun 16 Spelern mit 4,5 Punkten ut 15 Partien, kunn aber ünner anner gegen Jacques Mieses winnen.^[1]

Mit sien best historsch Elo-Tall vun 2658 leeg he in’n Juli 1886 up den sössten Platz vun de Weltranglist noch vör Siegbert Tarrasch un James Mason.^[2]