Eugène Muslar

Eugène Muslar (* 28. März 1959) is en Langstreckenlöper ut Belize.

Muslar is 1959 in Belize boren, is later aver na Los Angeles in Kalifornien utwannert. Liekers is he in’n Sport för sien Geboortsland antreden.

He is bi de Olympischen Sommerspelen 1984 (in Los Angeles) in’n 5000-Meter-Loop antreden un hett sik in’n Vörloop 2 mit en Tied von 15:05,78 min nich för dat Halvfinaal qualifizeert (Resultaatlist).

He is bi de Olympischen Sommerspelen 1988 (in Seoul) un de Sommerspelen 1996 (in Atlanta) in’n Marathon antreden. 1988 is he mit en Tied von 2:43:29 op Platz 79 lannt (Resultaatlist) un 1996 mit en Tied von 2:51:41 op Platz 109 (Resultaatlist).

Bi de Olympischen Sommerspelen 1996 weer he ok de Fahnendreger för sien Land (Fahnendregers för Belize).

Bi’n Los-Angeles-Marathon 1992 hett Muslar mit 2:35:22 en ne’en Belize-Rekord opstellt.