Erwin Waldner

Erwin Waldner (* 24. Januar 1933 in Neckarhausen; † 18. April 2015 ok dor) weer en düütsch Footballspeler.

Karriere

Vereen

Georg Wurzer, de dormalig Trainer vun den VfB Stuttgart, hett den dormals 19-johrigen Waldner vun den TB Neckarhausen to'n VfB haalt. Waldner keem all glieks in sien eerst Saison 1952/53 in all Spelen vun de dormalig Meestermannschap to'n Insatz un broch dat bit 1960 up mehr as 300 Insatzen. Mit den VfB wunn de Störmer 1953 de Viezmeesterschap un 1954 un 1958 jewiels den DFB-Pokal. He weer sowohl Speelgestallter as ok Doorschütt. Herbert Henzler hett hüm in en Vördrag as „Legende“ un „Superstar“ bi den VfB beschreeven. Zitat ut en Lännerspeelbericht: „… was der am Ball kann, ist nicht zu beschreiben“. Neben sien Technik weer he dorto besünners flink un kunn goot Scheeten.

As en vun de eerst düütsch Footballspeler wurr Waldner Profifootballspeler in't Utland. Van 1960 bis 1961 weer he för den FC Zürich in de Swiez aktiv as ok van 1961 bit 1963 för de Mannschap vun SPAL Ferrara in Italien. Dor keem he in de Serie A up 18 Insatzen un twee Doren. 1963 kehr Waldner to'n VfB Stuttgart torüch, de jetzt ok in de nee grünnd Bundsliga speel. Bit 1967 keem Waldner noch up 63 Bundsligaspelen (mit 12 Doren). Sien dormalig Trainer Rudi Gutendorf hett hüm in en Feernsehinterview as „Weltklassespieler“ betekent. As Amateur hett Waldner later noch för den FV Ebingen speelt.

Natschonalmannschap

In de düütsch Footballnatschonalmannschap keem Waldner 13 Mal to’n Insatz un hett dorbi twee Doren schaaten. He weer knapp 13 Johr jünger as Fritz Walter un för de Positschoon vun de Speelmaker goot to gebruuken. Bi dat Lännerspeel gegen de Sowjetunion 1956 in Düsseldörp weer he nah Oogentüügen un Speelbericht „bester Mann auf dem Platz“. Sepp Herberger hull aber nich an hüm fast, ofschons he nah Meenen vun Footballexperten „zu seiner Zeit bester Spieler auf seiner Position (Rechtsaußen) in Deutschland war“ (DFB Journal to dat Lännerspeel Deutschland–Irland in Stuttgart 2006). Nahdem Helmut Schön 1964 Bundstrainer wurrn weer, kreeg Waldner wegen sien herutragen Leistungen in de Football-Bundsliga nochmal dat Angebot, in de Natschonalmannschap to spelen. Waldner harr dor aber för sück all mit afslooten un hett dat Angebot aflehnt.

Sonstiges

Siet dat Enn' vun sien Karriere bedreev Waldner dat Restaurant Burrenhof up de Schwäbischen Alb nich wiet vun de Ruine Hohenneuffen dicht bi sien Heimatstadt Nürtingen. Siet etwa 1998 weer he an Parkinson krank wurrn. To'n Anlaat vun sien 75. Gebortsdag funn in sien Heimatoort an' 13. Juli 2008 en Benefizspeel statt, bi dat dat Sportgelände in Erwin-Waldner-Stadion umnömmt wurr.

Wiels de Fruen-Football WM 2011 funn de philatelistisch Utstellung Erwin Waldner – eine Fußball-Legende des VfB Stuttgart und der deutschen Nationalmannschaft in de Philatelie Gärtner in Bietigheim-Bissingen statt.

Sien Söhn Erwin Waldner junior wurr düütsch Düütsch A-Jöögdmeester un speel in de 2. Bundsliga.

Waldner is an' 18. April 2015 storven.

Erfolge

• DFB-Pokalsieger 1954 un 1958

Weblenken

• Erwin Waldner in de Datenbank vun Fußballdaten.de
• Erwin Waldner in de Datenbank vun Weltfußball.de
• Homepage vun Erwin Waldner