Ernst Cammann (Politiker)

Vun Wikipedia
Zur Navigation springen Zur Suche springen

Ernst Cammann (* 8. Mai 1888 in Celle; † 24. Februar 1978 in Öwernkerken) weer en düütschen Politiker von de DNVP un de CDU.

Cammann is 1888 in Celle boren. He weer toeerst op dat Gymnasium in Greiz un later op dat Realgymnasium in Gera. Na de School weer he toeerst in de Bueree aktiv un hett sik op verscheden Göder wiederbillen laten. In’n Eersten Weltkrieg weer he von 1916 bet 1918 Soldaat. 1918 hett he den Bedriev von sien Vader in Belen övernahmen. He is 1923 as Gemeenvörsteher von Belen wählt worrn un ok Maat von’n Kreisdag von’n Kreis Neehuus ween. He is later Maat in’n Stahlhelm worrn un weer Oortsgruppenföhrer. Cammann weer Liddmaat von de Düütschnatschonale Volkspartei un Vörsitter von de DNVP in Neehuus. Nadem 1932 de Kreis Neehuus Deel von’n Kreis Land Hadeln worrn is, weer he dor bet April 1933 ok Maat von’n Kreisutschuss. Na de Machtergreifung hett he aver all sien Ämter afgeven.

Na’n Tweten Weltkrieg is Cammann 1945 as Börgermeester von Belen ernannt worrn. He is denn in de CDU ringahn. 1945 is he Maat von’n Kreisutschuss un von’n Kreisdag worrn. Von’n 23. August 1946 bet 29. Oktober 1946 weer Cammann Maat von’n ernannten Hannöverschen Landdag.