Erich Knöpfler

Vun Wikipedia
Zur Navigation springen Zur Suche springen

Erich Knöpfler (* 4. Januar 1881 in Marienwerder; † 1. Juli 1958 op Good Sophienhoff bi Preetz) weer en düütschen Verwaltungsbeamten.

Knöpfler is 1881 in Marienwerder boren un hett Juristeree studeert. He is 1902 Gerichtsreferendar worrn, 1905 Regerungsreferendar in Marienwerder un 1906 in Danzig. 1908 weer he Regerungsassesser in Danzig. 1910 is he as Hülpsarbeider an dat Landraadsamt in’n Landkreis Limborg kamen un in dat sülve Johr noch güng he na de Regerung in Gumbinnen. In’n Eersten Weltkrieg weer he denn Soldaat. He is 1915 Regerungsraad worrn.

Knöpfler is in’n Juni 1918 as Nafolger von Eugen Naumann kommissarsch Landraad von’n Kreis Neehuus worrn. 1919 is he richtigen Landraad worrn un dat bet 1932 bleven. 1932 is de Kreis Neehuus mit’n Kreis Hadeln to’n ne’en Kreis Land Hadeln tohoopleggt worrn. He is denn na’n Landkreis Gerdauen versett worrn, den he an’n 1. Oktober 1932 kommissarsch övernahmen hett. Sien Vörgänger weer Werner Lufft (de letzten dree Maand weer Fritz-Dietlof von der Schulenburg vertredungswies Landraad). In’n Januar 1933 is he dor richtigen Landraad worrn un dat bet 1935 bleven. Dat Amt as Landraad hett denn opdragswies de Kreisleiter Stolz övernahmen, bet Wilhelm Casper dat Amt 1936 övernahmen hett.

He hett an’n 12. August 1913 op Good Sophienhoff Meta Maria Johanssen freet. De beiden hebbt den Söhn Waldemar Knöpfler (* 17. Juni 1914; ⚔ 1945) hatt. Knöpfler is an’n 5. Juli 1958 op’n Karkhoff von Preetz begraven worrn.