Eric Cross

Vun Wikipedia
Zur Navigation springen Zur Suche springen

Eric Cross (* 31. Mai 1902 in London-Hendon as Eric Leon D. Cross; † 1. März 2004 in Hillingdon, Middlesex, Grootbritannien) weer en britischen Kameramann.

Leven un Wark[ännern | Bornkood ännern]

Cross hett bi Coopers in Dunstable in’n Noorden vun London en Utbilln maakt un füng bi’n Film as Standfotograaf an. 1927/28 is he bi de Produkschoonsünnernehmen BIP un „Elstree“ Baas vun de Standfotografaie-Afdeelen weern, vördem he 1929 anfüng as Kameramann to arbeiten.

De dree Johrteihnten dorna hett Cross för Ünnerhollensfilmen opnahmen. In de Tiet vun’n Tweeten Weltkrieg is he vun de Filmsellschop „Two Cities“ vun den Produzent Sydney Box insett worrn. In’n Verloop vun sien Levenswark hett Cross mit en reeg vun bekannte Speelbasen tosamenarbeit, as to’n Bispeel Philip Leacock, Roy Ward Baker, John Boulting un Ken Annakin. Vor allen güng dat dorbi üm dramaatsche Filmen.

In de tweeten Hälft vun de 1950er Johren weer Cross ok an internatschonale engelschsprakige Filmen bedeeligt, in de de dormoligen düütschen Jungstars Hardy Krüger oder Horst Buchholz mitspeelt hebbt. Kort vör’t enn vun sien aktive Loopbahn hett John Olden em för twee vun sien Feernsehinszeneren na Hamborg halt.

Eric Cross is in’t Öller vun 102 Johren doodbleven.

Filmografie (Utwahl)[ännern | Bornkood ännern]

Johr Titel
1931 The Bells
1933 On Thin Ice
1935 Death Drives Through
1939 Sons of the Sea
1941 The Man at the Gate
1946 Quiet Weekend
dt.: Jugendliebe – Drei Tage Ferien…
1952 Private Information
1952 Escape Route
dt.: Gefährlicher Auftrag
1953 Park Plaza 605
dt.: Die blonde Spionin
1955 Tiger by the Tail
1956 Three Men in a Boat
1957 The One That Got Away
dt.: Einer kam durch
1959 Tiger Bay
1959 The White Trap
dt.: Die weiße Falle
1960 Waldhausstraße 20, Feernsehn
1961 Schau heimwärts, Engel, Feernsehn

Weblenken[ännern | Bornkood ännern]