Erato (Mythologie)

Vun Wikipedia

Erato (Έρατώ, »de leevlich is«, »de smucke Deern«) is en vun de negen Musen, de dat vun Hesiod af an in de Greeksche Mythologie gifft. Se is de Muse vun de Gedichten över de Leev, vun de Lyrik, vun den Gesang un vun den Danz. Denn gifft dat ok noch en Nymph Erato ut de Nereiden ehre Familie.

Mythos[ännern | Bornkood ännern]

Muse[ännern | Bornkood ännern]

As al Musen is ok Erato en Göddin. Se is de Dochter vun den Göddervadder Zeus un siene Leevste Mnemosyne. He schall ehr in negen Dage tüücht hebben, as he mit sien Deern wietaf vun de annern Gödder weer.

Nymph[ännern | Bornkood ännern]

De Nymph Erato schall in ole Tiet den Gott Pan siene Prophetsche ween hebben. Düsse Gott hett in Lykosura in Arkadien en Hilligdom harrt. Dor holen de Minschen sik sien Orakel in. De Nymph Erato weer verheiraat mit Arkas. Mit em hett se den Söhn Azan harrt.

Astronomie[ännern | Bornkood ännern]

Vun de Muse Erato hett de Asteroid Erato sien Naam vun kregen.