Entlebucher Sennenhund

Vun Wikipedia
Entlebucher Sennenhund
FCI - Standard Nr. 47
Oorsprungsland Swiez
Klassifikation FCI
  • Grupp 2
  • Sektion 3
Rassenaam nah FCI Entlebucher Sennenhund
Anner Naams
Schufthööcht ca. 44-52 cm
Teev 42–50 cm
Gewicht 20–30 kg
List vun de Hunnenrassen
Entlebucher Sennenhund

De Entlebucher Sennenhund is en vun de FCI anerkannt Swiezer Hunnenrass (FCI-Gruppe 2, Sektion 3, Standard Nr. 47).

Beschrieven[ännern | Bornkood ännern]

De Entlebucher Sennenhund is en Grött vun bit to 52 cm un 20–30 kg Gewicht de lüttste vun de veer Sennenhund-Rassen, to de ok de Appenzeller Sennenhund, de Berner Sennenhund as ok de Groot Swiezer Sennenhund hörrn. Sien Fell is stockhoorig, dat Deckhoot ist kört, fast anliggend, hart un glänzend, dicht Ünnerwull, dreefarvig: Grundfarv swaart mit nah Mögelgkeit symmetrischen (geel- bit bruunlich-rustroot) lohfarven un witt Afteeken. De Ohren sünd hangend, nich to groot; hooch un relativ breet ansett. Besünners upfällig is de ungewöhnlich lang un meest kräftige Rügg vun den Entlebucher.

Nich blots in de Swiez is siet eenig Johren dat Kupieren vun Ruten verboden. Dorüm dragen de Entlebucher Sennenhunde hüüd en längere Steert (liek, hangend; nich ringelt as bi den Appenzeller). Knapp 10 % vun de Entlebucher kommt mit anboren Stummelsteert up de Welt.

Wesen[ännern | Bornkood ännern]

De Entlebucher is en düchtig leevhafter un temperamentvull Hund, de af un to geern bleekt. He is düchtig flink un wendig. Dorum is dat wichtig, dat he völ to doon hett. Dorto sünd Hunnensportaarten as Agility, Breedensport oder Fährtenarbeit besünner good. Entlebucher bruuken en leev aber konsequent Optrecken. För Anfänger sünd se dorum blots bedingt eignet.

Krankheiten[ännern | Bornkood ännern]

Ok wenn de Entlebucher Sennenhund ehrder lütt, treeden bi hüm Hüftgelenksdysplasie (HD) as ok arvlich Oogenkrankheiten up, in eerst Lien Katarakt (Grau Star) un Progressive Retinaatrophie (PRA).

En wiedere, bi Entlebucher Sennenhunnen fakener uptreeden Krankheit is de Goniodysplasie, en Missbillen vun den Kamerwinkel in't Oog. Dat kann dorto führen, dat de Oogenfleetigkeit nich vernünftig afflooten kann un de Oogendruck rasant anstiggt (Glaukom). Wurrd dat nich ganz flink erkannt, kann dat bi en stark Utpräägen dorto kommen, dat de Hund blind wurrd.

De Goniodysplasie is arvlich, wobi de nipp un nau Arvgang nich bekannt is. Nah de Richtliens vun dat American College of Veterinary Ophthalmology wurrd en Tuchtutsluss vun de bedrapen Hunnen empfahlen.[1]

De Körtsteertigkeit vun den Entlebucher Sennenhund wurrd allgemeen as dominant över de normal Steertlängt ankeeken un is in de reinarvig Form en Letalfaktor. Körtsteertig Entlebucher Sennenhunnen söllt dorum nich mitnanner verpoort wurrn.[1]

Literatur[ännern | Bornkood ännern]

Webenken[ännern | Bornkood ännern]

Entlebucher Sennenhund. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. a b Nadine Kuster: Erbliche Augenerkrankungen beim Entlebucher Sennenhund (PDF; 4,7 MB). Diss. med. vet. Zürich 2010