Binnenskelett
En Binnenskelett oder Endoskelett warrt in de Biologie en Struktur to'n Afstütten vun en Organismus nömmt, de nich Deel vun de ütere Hüll is. Dor hannelt sik dat um en vun de wichtigsten gemeensomen Kennteken vun de Warveldeerter (Vertebrata) bi.
En Binnenskelett besteiht ut faste Elemente. Se könnt dör Muskeln gegenanner bewegt weern. Bi Minschen un bi de meisten Gruppen mank de Warveldeerter bestaht düsse Elemente ut Kalziumphosphat un weert „Knaken“ nömmt. Annere wichtige Bosteene vun dat Binnenskelett sünd de Gnusters, wo meist ken Mineralien in sitt. Bi de Gnusterfische is meist dat ganze Endoskelett ut Gnusters tohopenboot.
De harden Deele vun dat Skelett vun de Stickelhuutdeerter (Echinodermata) bestaht heel un deel ut Kalziumkarbonat. Anners, as bi de Hüser vun Sniggen un Musseln sünd se nich Deel vun de Uppersiete vun dat Lief (un dor en Butenskelett mit), man se liggt unner en dünne Epidermis un sünd dor ok en Binnenskelett mit.[1]
Kiek ok bi
[ännern | Bornkood ännern]Belege
[ännern | Bornkood ännern]- ↑ Charles F. Lytle, John R. Meyer: Praktikum Allgemeine Zoologie, Pearson Deutschland, 2010, S.274, ISBN=978-3-86894-035-0