Ekenring
De Ekenring is Sandrennbahn, de üm un bi dree Kilometer in’n Oosten von Scheeßl liggt. Op de Bahn warrt Rennens mit Motorrääd föhrt.
Historie
[ännern | Bornkood ännern]De Ekenring is toeerst 1951 op en fröhere Peerrennbahn in Appel bi Helsch (53° 14′ N, 9° 31′ O) anleggt worrn un weer 850 Meter lang. Bedreven worrn is de Rennbahn von’n Motor-Sport-Club Scheeßl, de sik in dat Johr den ne’en Naam Motor-Sport-Club Ekenring (MSC Ekenring) geven hett.
1963 hett de Bahn in Appel nich mehr de Anforderungen von’n internatschonalen Verband erfüllt. Dorüm is op en groot Stück Ackerland in de Neegd von Scheeßl de hüdige Ekenring anleggt worrn (
Koordinaten:53° 10′ N, 9° 31′ O53° 10′ N, 9° 31′ O), de toeerst 1000 Meter lang weer un op den al 1964 de Endloop von de Europameesterschop unföhrt worrn is.
In de Johren, de denn kemen, is dat Stadion to een von de modeernsten in ganz Europa utboot un de Bahn is to en Langsandbahn von 1300 Meter verlängert worrn. En ganzen Barg Finallööp von Meesterschoppen (Düütsche Meesterschoppen, Europameesterschoppen, Weltmeesterschoppen) sünd op’n Ekenring utdragen worrn.
Kunzerte
[ännern | Bornkood ännern]1973 hett dat op’n Ekenring dat eerste Musikfestival geven. Ünner den Titel Es rockt in der Heide hett dat dat eerste grote Freeluftkunzert geven. To de Musikers hebbt ünner annern Chicago, Chuck Berry un Golden Earring höört. Dat Kunzert harr so veel Spood, dat dat 1977 en twete Oplaag geven hett. De Veranstalter First Rider Open Air kunn de Bands aver nich betahlen. Veel von de Gruppen, de na Scheeßl kamen wullen, sünd gor nich eerst kamen. En Barg Fans, de na Scheeßl kamen weren, weren so füünsch, dat dat en Reeg Verletzte geven hett un en Bühn afbrennt is.
Dat Thema Festival weer för Scheeßl nu en ganze Tied dör. 1992 schull dat wedder en Rockkunzert geven (Internationales Biker- und Rockfestival), aver dat is ok afseggt worrn.
1997 hett dat op’n Ekenring denn aver doch noch wedder en Festival geven. Dat Hurricane-Festival warrt sietdem elk Johr fiert un tütt jümmer üm un bi 70.000 Fans an. 2004 weer ok dat Lovefield-Festival op’n Ekenring. Dat Festival weer vörher in Elsdörp un is 2005 denn na Hamborg tagen.
Weblenken
[ännern | Bornkood ännern]- Websteed to’n Ekenring (hoochdüütsch)