Eddie Marshall

Vun Wikipedia
Wesseln na: Navigatschoon, Söök

Edwin „Eddie“ Marshall Jr. (* 13. April 1938 in Springfield, Massachusetts; † 7. September 2011[1]) weer en US-amerikaansch Jazz-Slagtüüchspeler.

Leven un Wark[ännern | Bornkood ännern]

Marshall speel all in fröh Johren in de Swingband vun sien Vader un in Rhythm and Blues-Bands as he in de High-School weer. 1956 truck he nah New York un entwickel sien Slagtüüchstil ünner den Infloot vun Max Roach un Art Blakey. Twee Johr later speel he in dat Quartett vun Charlie Mariano un Toshiko Akiyoshi; nah twee Johren in de US-Army kehr he 1965 in Akiyoshis Band torüch. Een Johr speel he mit Mike Nock in de Huusband vun den Club „The Dom“ in New York, hett in disse Tiet ok mit Stan Getz arbeit un hett de Singerin Dionne Warwick up Tourneen begleit. 1967 weer he Liddmaat vun de Fusion-Band „The Fourth Way“ in San Francisco, de neben hüm un Nock ok Michael White un Ron McClure anhörrn deen. Vun de Bay Area ut tour Marshall mit de Band bit to deren Enn‘ to Anfang vun de 1970er Johren; dornah speel he mit Jon Hendricks un mit de Pointer Sisters.

Midden vun de 1970er arbeit he mit Bobby Hutcherson, buterdem mit John Klemmer, mit Kenny Burrell un 1977 mit Art Pepper un Paul Nash. In dit Johr entstunn ok Marshall sien eerst Album ünner eegen Naam, „Dance of the Sun“ mit Hutcherson un George Cables as Begleitmusikers. Um 1980 speel he mit Pharoah Sanders un mit Ahmad Jamal. 1984 weer he Liddmaat vun de Formatschoon „Bebop and Beyond“ mit John Handy un Cables. En Hartoperatschoon in dat Johr hinner hüm vörövergahnd an dat Fortsetten vun sien Slagtüüch-Karriere. He hett sück denn up de Blockflööt verleggt, hett aber 1985 bi sien Upnahmen för dat Album „California Meeting“ un 1987 nochmals Toshiko Akiyoshi up hör Trio-Album „Interlude“ begleit. Buterdem weer Marshall ok Lehrer an de San Francisco School of the Arts. Sien tweet Album as Leader entstunn 1999 (Holy Mischief). He weer Anfang vun dat Johrduusend mehrere Johren in de San Francisco Arts Commission för Musik verantwortlich.

Diskographisch Henwiesen[ännern | Bornkood ännern]

  • Charlie Mariano und Toshiko Akiyoshi: Toshiko/Mariano Quartet (Candid, 1960)
  • Art Pepper. San Francisco Samba (Contemporary Records, 1977)

Literatur[ännern | Bornkood ännern]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Nahroop (engelsch)