Echte Singzikaden
| Echte Singzikaden | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | ||||||||||||||||||||||
| Systematik | ||||||||||||||||||||||
| ||||||||||||||||||||||
| Wetenschoplich Naam | ||||||||||||||||||||||
| Cicadidae | ||||||||||||||||||||||
| Latreille, 1802 |
De Echten Singzikaden (Cicadidae) sünd en Familie mank de Zikaden (Auchenorrhyncha).
Kennteken[ännern | Bornkood ännern]
De Echten Singzikaden sünd een vun de bekannten Zikadengruppen vunwegen ehre Grötte un ehren towielen bannig luden Gesang, de bit to en Afstand vun 1,5 km wiet to hören is. Bloß de Heken singt. Se wüllt dor de Seken mit anlocken oder ok de Grenzen vun ehr Revier mit fastsetten. De meisten Lüde, de al mol in de Gemarken rund um de Middellannsche See Urlaub maakt hefft, kennt düssen tyypschen Gesang. He kummt tostanne, wenn twee lüttje Membranen an beide Sieten vun dat Achterlief to'n Trillen brocht weert. Dat Lief vun de Echten Singzikaden is en beten stevig un meist dunkelbruun oder gröön un warrt 2,2 bit hen to 5,5 cm lang. An'n Kopp sitt korte Föhlspriete an. De Ogen sitt wiet ut’neen. De wecken Aarden könnt bit hen to 17 Johre oold weern.
Wie se sik vermehrt[ännern | Bornkood ännern]
De Eier weert an Planten afleggt. Na dat Utkrupen wannert de Nymphen unner de Eer un leevt dor up Plantenwuddeln.
Wo se leven doot[ännern | Bornkood ännern]
Düsse Familie kummt over de ganze Welt hen in warme Streken un Gemarken up Böme un Strüker vor.
Weblenken[ännern | Bornkood ännern]
Echte Singzikaden (Cicadidae). Mehr Biller, Videos oder Audiodateien to’t Thema gifft dat bi Wikimedia Commons.