Douglas Gerald Hurley
Douglas Gerald Hurley (* 21. Oktober 1966 in Endicott/New York) is en US-amerikaansch Astronaut vun de NASA.
Loopbahn[ännern | Bornkood ännern]
1988 hett he sien B.S.E. in Ingenieurswesen an de Tulane University maakt. Bi sien Utwahl deen he in dat US Marine Korps. An‘n 26. Juli 2000 wurr Hurley vun de NASA utwählt un to’n Space-Shuttle-Piloten utbillt.
STS-127[ännern | Bornkood ännern]
He wurr as Pilot för de Mission STS-127 utwählt. Kommandant weer Mark Lewis Polansky un de Missionsspezialisten David Alexander Wolf, Christopher John Cassidy, Julie Payette ut Kanada, Thomas Henry Marshburn un Timothy Lennart Kopra. Bi disse Mission wurrn japaansch Module to de Internatschonale Ruumstatschoon ISS brocht, wo Gennadi Ivanovich Padalka, Michael Reed Barratt un Koichi Wakata, Roman Yuriyevich Romanenko, Frank De Winne un Robert Brent Thirsk, de Statschoonscrew billen deen. De Start weer an 15. Juli 2009, de Lannen an’n 31. Juli 2009. Dorbi weer Koichi and Bord vun de Ruumfähre Endeavour, wiels Timothy Kopra up de ISS bleev.
STS-135[ännern | Bornkood ännern]
An‘ 14. September 2010 wurr Hurley as Pilot vun de Shuttle-Mission STS-135 nomineert.[1] Kommandant vun den letzten Floog vun en Space-Shuttle weer Christopher John Ferguson un de beid Missionsspezialisten Sandra Hall Magnus un Rex Joseph Walheim. Mit dissen Floog wurrn Utrüstensgegenstände un Ersatzdeelen to de ISS (de Crew up de Statschoon bestunn ut Andrej Iwanowitsch Borrissenko, Alexander Michailowitsch Samokutjajew, Ronald John Garan, Sergej Alexandrowitsch Wolkow, Michael Edward Fossum un den Japaner Satoshi Furukawa brocht De Start weer an’m 8. Juli, de Lannen an’n 21. Juli 2011.
SpX-DM2[ännern | Bornkood ännern]
An‘n 9. Juli 2015 hett de NASA Hurley as een vun veer Testpiloten för künftige kommerzielle Ruumscheep vörstellt. An‘n 3. August 2018 wurr he as NASA-Astronaut för den eersten bemannten Ruumfloog vun de Dragon V2 vun SpaceX gemeensam mit Robert Louis Behnken för de Mission SpX-DM2 nomineert.[2] De Start weer an’n 30. Mai 2020. Nah mehr as 63 Daag in’t All is Dragon mit den Astronauten an‘n 2. August 2020 in den Golf vun Mexiko torüchkommen.
Privates[ännern | Bornkood ännern]
Hurley is in tweet Ehe mit de Astronautin Karen Nyberg verheiraadt un hett een Söhn.
Weblinks[ännern | Bornkood ännern]
- Biografie up de Sieden vun de NASA (engelsch)
- spacefacts.de: Körtbiografie
Enkeld Nahwiesen[ännern | Bornkood ännern]
- ↑ NASA Assigns Crew for Final Launch on Need Shuttle Mission. NASA, 14. September 2010, afropen an’n 6. Mai 2011 (engelsch).
- ↑ NASA: NASA Assigns First Crews to Fly Commercial Spacecraft. 3. August 2018, afropen an’n 22. November 2018: „The first astronauts who will launch on SpaceX’s Crew Dragon are NASA’s Bob Behnken and Doug Hurley.“