Doris Hart

Vun Wikipedia
Zur Navigation springen Zur Suche springen
Doris Hart (1953)

Doris Jane Hart (* 20. Juni 1925 in St. Louis, Missouri; † 29. Mai 2015 in Miami, Florida[1]) weer en US-amerikaansch Tennisspelerin. Neben Margaret Smith Court un Martina Navrátilová weer Hart en vun dree Spelerinen, de in Eenzel, Düppel un Mixed jeden mögelken Grand-Slam-Titel mindestens eenmal wunnen hemm. Dat wurrd in den engelschen Spraakberiek as „boxed set“ betekent. 1951 in Wimbledon hett se dorto all dree Titel an een Dag wunnen.

Karriere[ännern | Bornkood ännern]

Hör eersten Grand-Slam-Titel wunn se bi de Australian Open 1949 as se dat Daamenendspeel gegen Nancye Wynne Bolton winnen kunn. 1950 un 1952 wunn se dat Daameneenzel bi de French Open, 1951 wunn se in Wimbledon un bi de US Open bleev se 1954 un 1955 Sieger.

In’t Düppel harr se noch mehr Spood un wunn, meestens gemeensam mit Shirley Fry-Irvin, in Wimbledon veer Mal (1947, 1951, 1952, 1953), bi den franzöössch Meesterschapen 1948 un 1950, 1951, 1952 un 1953 as ok bi de US-amerikaansch Meesterschapen 1951, 1952, 1953 un 1954. In Australien wunn se „blots“ 1950.

Ok in’ Mixed weer se bannig spoodriek un wunn mit Frank Sedgman un Vic Seixas all tosommen 11 Titel bi Grand-Slam-Turnieren.

1956 hett se hör Loopbahn afslooten. Mit 34 Grand-Slam-Titeln hörrt se to de spoodriekst Spelerinnen vun den Tennissport. 1969 wurr se in der International Tennis Hall of Fame upnommen.

Enkeld Nahwiesen[ännern | Bornkood ännern]

  1. Career Grand Slam winner Doris Hart dies at 89

Weblenken[ännern | Bornkood ännern]

Commons-logo.svg Doris Hart. Mehr Biller, Videos oder Audiodateien to’t Thema gifft dat bi Wikimedia Commons.