Diskuschoon:Victor Dahdaleh

Wat noch fehlt

• De genaue Geboortsdag
• 1948 sünd de Palästinensers ut Ramleh verdreven worrn: de:Palästinensischer Exodus aus Lydda und Ramle 1948. Is dat de Grund, worüm de Familie na Jordanien un denn na Kanada gahn is?
• Wannehr is he na Kanada kamen un wannehr na Grootbritannien?
• Wannehr hett he de Staatsbörgerschoppen kregen?
• Wat hett he na dat Studium so maakt?

Dat gifft Sieden noch un nöcher, op de steiht, dat he Milljardär is. Stimmt dat? Dat Stader Tageblatt hett em 2006 in’n Artikel Ein schicker London-Besuch und viel Geheimniskrämerei noch as Millionär betekent (he harr dor frisch de AOS köfft un wull in Stood en Hotel boon). As Milljardär hett he eerst gullen, as de Berichten rutkemen, dat he vör Gericht steiht.

Dahdaleh kummt narms groot vör, bevör 2008 rutkeem, dat he vör Gericht schall. Dat gifft kene Böker, in de sien Naam vörkummt, un ik heff ok kene olen Websteden vör 2008 funnen. Sien Ünnernehmensgrupp Dadco is ok keen groot Ünnernehmen. De gröttste Deel is AOS. Över den Rest is kuum wat to finnen. AOS höört em siet 2001. Dat kummt mi so vör, as wenn he blots en lütt Ünnernehmen harr un sien Vermögen eerst mit de Bestekeree in’t Aluminiumgeschäft maakt hett. Un de AOS hett he eerst köfft, as he dor noog Geld mit maakt harr. Aver mit Bestekeree kannst du villicht Milljonär warrn, aver keen Milljardär (naja, saudische Prinzen utnahmen; aver Dahdaleh weer Flüchtling un keen Prinz). Ik gah dor von ut, dat he blots Milljonär is. --::Slomox:: >< 13:20, 8. Dez 2017 (CET)