Diskuschoon:Steernbild

Vörslääg för de fehlen Steernbildnaams:

Aries: Ramm (steiht ok so bi Harte&Harte, nl: "Ram")
Caelum: Graveerprickel oder Betel (nl: "Graveerstift", da: "Mejslen")
Dorado: Goldfisch (nl: "Goudvis", da: "Guldfisk")
Lynx: Loss (nl: "Los", da: "Loss")
Sculptor: Bildhauger (nl: "Beeldhouwer", da: "Billedhugger")

Un ik will geern noch över een poor Naams diskereren, de al dor staht:

Kreeft - is Dwarslöper nich mehr begäng? "Kreeft" heff ik mien Leevdag noch nich höört.
Cassiopeia - mag ik as Kassiopeia beter lieden (dor steiht jo ok Kepheus un nich Cepheus)
Phoenix - Worüm nich mit "ö", also Phönix?
Segel - is för mi hoochdüütsch, beter weer Seil (nl: "Zeil", da: "Sejl")
Chamäleon - worr ik lever Kamäleon schrieven (nl: "Kameleon", da: "Kamæleon")

Hoolt sik, Sönke

Ik heff dat mal indragen. Ramm, Goldfisch, Bildhauwer un Loss dücht mi richdig. Ik heff aver Bildhauer schreven. Bi Caelum weet ik nich. Dat geiht üm den Koppersteker sien Warktüüch. Dor gifft dat ganz seker en echt oolt Woort för. Ik heff aver afsluuts keen Ahnung, wat dat Woort is. Dor will ik nix verkehrt maken. To de annern Vörslääg: Ik lööv, fröher hebbt se bi Cancer an so 'ne Oort Flusskrebs dacht, de mehr so utsüht as so'n Hummer. De Dwarslöper süht ja ganz anners ut, de hebbt ja keen Steert (Dat Steernbild hett dree Ennen). Ik lööv Kreeft is dor beter. Cassipeia un Chamäleon heff ik ok an Kepheus anpasst. Jüst so Phoenix. Segel laat ik na, dor gifft dat op Platt beid Formen. --::Slomox:: >< 19:02, 31. Jan 2007 (CET)

Klingt allens goot, bloots de Goldfisch nich. Op Hoochdüütsch is dat de "Schwertfisch" un woans de utsüht, is bi [1] to sehn: dat is nich de lütte Goldfisch ut den Goornpohl. Sweertfisch weer beter. HeikoEvermann 19:45, 31. Jan 2007 (CET)

Hett lang duert, weer aver egentlich nich so swoor: ik heff den Luchs funnen: in Lübben sien middelnedderdüütsch Lexikon steiht de binnen, ünner "Los" un in uns Schrievwies is dat "Loss". Dat "o" is kort, sünst harr he "ô" schreven. HeikoEvermann 23:27, 4. Dez 2007 (CET)