Diskuschoon:Kuhl

Ik hebb düssen Artikel eerst funnen, as ik en Wiederleiten vun Wehl maken wull. Ik meen, dat Lemma Kuhl passt nich, vunwegen dat en Kuhl noch wat anners is.--Bolingbroke ✍ 21:12, 11. Mai 2009 (CEST)

Seggt mi ok nich recht to. En Kuhl is en Lock in de Eer, egal, wat dor nu Water binnen is oder nich. Un an sik kenn ik dat ok blots in’n Tosamenhang mit Löcker, de een sülvst utkuhlt hett, aver nich in’n Tosamenhang mit natüürliche Begeevnissen. --Iwoelbern ✍ 22:56, 11. Mai 2009 (CEST)

En Kuhl mutt nich jümmer utkuhlt wesen. Kuhl bedüüdt eerstmal nich mehr as Lock. Kann ok natürlich wesen. Danneil hett för de Ollmark Dreikûl för Strudel, un Richey hett in sien Hambörger Idiotikon Möhlen-Kuhle för de Kuhl, de dat Water von'n Möhlenbeek achter de Staumuer graavt. Richey hett dor ok Kühlken för de Grübchen in'e Backen. Schambach kennt dat Woord för Göttingen-Grubenhagen ok för Schlucht.

Besünners de Möhlen-Kuhle passt ja to dissen Artikel. Aver dat Woord Kuhl is to allgemeen för de Saak. Dat geiht nich as Lemma.

Mit Brake tohoopbringen un von Kuhl denn en MB maken, segg ik. --::Slomox:: >< 16:38, 12. Mai 2009 (CEST)