Diskuschoon:Klockenspeel

Moin, wenn dat en Carillon is, worüm laat wi dat denn nich ünner Carillon stahn? En Klockenspeel is mien Ansicht na dat hier. --Iwoelbern ✍ 22:19, 26. Mai 2010 (CEST)

en:Glockenspiel un nl:Glockenspiel bruukt för de:Glockenspiel (Musikinstrument) dat hoochdüütsche Frömdwoort. Dat mütt de Nedderlanners ok maken, denn Klokkenspeel is up Nedderlannsch een vun de dree möglichen Naams för den Beiaard. Ik denk ok, wi laat dat plattdüütsche Woort för dat Carillon stahn un maakt en Wieterleiten. Dat Glockenspiel könnt wi denn ja ok unner düssen Naam lopen laten, wenn wi vun Xylophon af wüllt.--Bolingbroke ✍ 10:59, 27. Mai 2010 (CEST)

Wat en:WP un nl:WP för de:Glockenspiel (Musikinstrument) bruukt, is för uns nich de Fraag, man wat seggt de Plattdüütschen dorto. As Glockenspiel wull ik dat egentlich nich anleggen. Ik kann mi nich vörstellen, dat en Plattdüütschen dat so seggen de. Un en Xylophon is dat al so nich, as de Naam dat al seggt (Xylon is greeksch för Holt). Denn weer al eher en Gavelsiet "Klockenspeel" anbröcht. As ik op de:WP sehn heff gifft dat noch de:Glockenspiel (Spieluhr). Dat heet, üm en Gavelsiet kamt wi so oder so nich rüm. --Iwoelbern ✍ 12:13, 27. Mai 2010 (CEST)

Wenn ik Klockenspeel oder Klockenspill bi Google ingeev (Web-Söök un Böker-Söök), denn gifft dat en ganz Reeg Sieden to finnen. De sünd all över de Klocken von normale Karkentoorns. Also wat op Hoochdüütsch Geläut is (de eerst von de dree Regen in de Begriffsklärung).

En Carillon is nu en besünner Form von so'n Geläut. Dat besünnere is, dat dat Carillon mit en Tastatur to spelen geiht. Ik meen, dat schullen wi nich Klockenspeel nömen, denn ok ahn Tastatur warrt dat al Klockenspeel nöömt, as ik baven schreven heff. Ik nemm an, dat gifft för Carillon ok en oold plattdüütsch Woord, dat gifft ja en ganze Reeg Carillons in de Noordoostnedderlannen un ok in Noorddüütschland, aver ik kenn dat Woord nich un weet ok nich, woneem een dat finnen schall. Solang wi dat Woord nich funnen hebbt, dücht mi Carillon de beste Naam för den Artikel.

Bi mien Söök heff ik narms wat funnen, wo Klockenspeel so bruukt warrt, dat dat de:Glockenspiel (Musikinstrument) bedüden schall. Aver ik glööv, dat heet liekers Klockenspeel. En groten Deel Lüüd hett dat in'n Musikünnerricht in de School kennenlehrt. Ünner de Naams Glockenspiel un Xylophon. Un wat schall dat op Platt denn anners heten as Klockenspeel (wenn wi Xylophon maal rutnemmt, vonwegen Holt)? --::Slomox:: >< 13:18, 27. Mai 2010 (CEST)

Wenn ik Klockenspeel oder Klockenspill bi Google ingeev (Web-Söök un Böker-Söök), denn gifft dat en ganz Reeg Sieden to finnen. De sünd all över de Klocken von normale Karkentoorns.

Denn weet ik avers nich, wat du ingeven hest. Wenn ich hoochdüütsch bi Google Glockenspiel ingeven do, denn kaamt dor ganz verscheden Saken, mit toeerst avers en Carillon ut Bremerhaben un een an dat Raathuus vun Essen. Wenn ik plattdüütsch Klockenspeel ingeven do, kümmt nich veel, dormank avers ok en Carillon, un eenmol en Geschicht över en Radiowecker. Vunwegen datt de Klockenspeele eerst in dat 16. Johrhunnert in Flannern un in de Nedderlannen upkamen sünd, gifft dat dor ut Hansetieden wiss keen oolt Woort för. Un wenn een denn doch mol wat hett (amenne finnt sik wat bi Chrytäus?), denn hett he dat sachs övernahmen ut dat Nedderlannsche. Bloß man: Bi us seggt se to us Klockenspeel in Habenhusen nu mol Klockenspeel. Een mutt denn annerwegens mol nafragen, wo dat Klockenspeele gifft. Bloß, wiel de Hoochdüütschen dor Glockenspiel to seggt (kiek hier), mütt wi ja nu nich unbedingt dat nedderlannsche Carillon nehmen. Besunners, wiel up de nedderlannsche Siet steiht, datt to en Carillon tominnsten 18 Klocken (um un bi twee Oktaven) tohöörn doot.--Bolingbroke ✍ 15:16, 27. Mai 2010 (CEST)

Denn mööt wi maal genauer kieken:

• [1]: in Schörtens: keen Carillon
• Groth sien Rothgeter: in Amsterdam: villicht en Carillon
• Groth sien Quickborn: ok in Amsterdam: villicht en Carillon
• Brinckman sien Uns Herrgott up Reisen: in Hamborg (St. Nikolai): is en Carillon
• Zitat ut Abel Eppens Der Vrezen Chronicon von 1589: in Grönnen: is en Carillon
• Poeck sien De Herr Innehmer Barkenbusch: in Hamborg (St. Petri): keen Carillon
• Bornewiek sien Tau Hus un in dei Frömm’: bedüüdt allgemeen Glockenklang
• Der Hamburger Tumult vom Jahre 1791: snackt von twee Stück in Hamborg (St. Nikolai un St. Christian): sünd Carillons
• Rocco sien Vor veertig Jahr: en plattdütsche Geschichte ut'n Bremer Lanne: Klocken, de an't Peergeschirr anbröcht sünd
• Jürs sien Hoch un platt, for jeden wat: Lyra
• Artikel in't Hambörger Avendbladd von 1954: in Hamborg (St. Nikolai): is en Carillon
• in Quakenbrück: von der Grenzfestung zum Gewerbezentrum warrt Klockenspell mit ein Glockenspiel; eine Musik woran nur ein Holländer Vergnügen finden kann angeven
• Bericht von en Oostfresen över en Reis na Prüßen: in Danzig: is en Carillon

Mien eersten Indruck weer also verkehrt, harr ik beter jümmer nakieken müsst, wat disse Karken nu all en Carillon hebbt oder nich. In de mehrsten Fäll bedüüdt dat doch Carillon. Aver ok nich in all Fäll. --::Slomox:: >< 16:39, 27. Mai 2010 (CEST)

Un för Glockenspeel un Glockenspill gifft dat ok noch wedder en poor Saken. --::Slomox:: >< 16:47, 27. Mai 2010 (CEST)