Diskuschoon:Jonas Goldschmidt

Ik hebb dor de Kategorie 'Plattdüütsch' tosett. Ik meen, ok de Fienden vun düsse Spraak höört in ehr Geschicht mit rin...---Bolingbroke 13:09, 30. Sep 2007 (CEST)

Ik harr ehr bewusst nich sett, ok wenn ik mi dor sülvst nich ganz seker wesen bün. Ünner Wikipedia:Kategorien#Kategorien na Spraak heff ik beschreven, wie disse Spraakkategorien dacht sünd. Schall för Lüüd un Saken wesen, de Deel vun dat Plattdüütsche sünd. Goldschmidt weer en Plattdüütschen, hett de Spraak snackt (tominnst in sien Kinnertiet), man he hett sik ok bewusst ut de Spraak rutsett. He hett nix op Platt schreven, blot över. Ik kenn nu siene Böker nich, wat dor genau insteiht, wat he ok över de Kultur un Spraak mehr schreven hett. Johannes Sass hett ok nix op Platt schreven, so wied ik dat weten do, man as Wöörbookschriever passt he doch in de Kategorie. Bi Goldschmidt is de Fraag, woveel hett he sik mit plattdüütsch Land un Lüüd uteneensett? Feend vun de Spraak alleen is för mi nich noog, dat he in de Kategorie kamen schall.

Wenn dat üm höört in ehr Geschicht mit rin geiht, denn schöölt wi dat villicht bi Plattdüütsch ünner Historie mit rinschrieven. --::Slomox:: >< 15:10, 30. Sep 2007 (CEST)