Diskuschoon:Guatemala
Adjektiv to Guatemala
[Bornkood ännern]Op hoochdüütsch warrt "guatemaltekisch" seggt, wenn wat mit dat Land to kriegen hett. Die Inwahners heet Guatemalteken. So steiht dat ok in dissen Artikel. Nu wull ik mol nafragen: en plattdüütsche Ennen is dat -tekisch jo nich. De engelsche WP bruukt so wat ok nich, de seggt "guatemalan". Wat seggt wi? Guatemalteeksch oder Guatemaalsch? Und de Lüüd? Sünd dat op Platt ok Guatemalteken oder Guatemalen? --Iwoelbern ✍ 09:51, 24. Jun. 2010 (CEST)
- Ik wüss nich, worüm de Inwahners up Platt nich Guatemalteken heten schollen. Un dat Adjektiv is denn ja woll guatemalteeksch. --Bolingbroke ✍ 10:12, 24. Jun. 2010 (CEST)
- Op en:WP warrt Guatemalan schreven as Adjektiv, op dk:WP Guatemalanske, op sv:WP guatemalanska; op fy:WP hebbt se Gûatemalian för de Inwahners.
- Wöör, de op -tek oder vergliekbor ennt, hebbt ik op fr:WP, es:WP, de:WP un nl:WP funnen.
- Dat Land heet Guatemala. Woneem kummt denn dat "-tekisch" denn her? Ik kann mi swoor vörstellen, dat dat en Regel in't plattdüütsche gifft, de seggt, dat -mala na -malteeksch wannelt warrt. --Iwoelbern ✍ 10:45, 24. Jun. 2010 (CEST)
- De Fehrs-Gill (Sass) seggt ok guatemalteeksch.--Knabbe ✍ 11:07, 24. Jun. 2010 (CEST)
- Ik bün dor nu keen Spezi vun, mn ik denk, de Ennen -teken un -teeksch kaamt vun de Volksgruppen, de dor in Middelamerika leven doot: Tolteken, Olmeken un even ok Guatemalteken.--Bolingbroke ✍ 11:25, 24. Jun. 2010 (CEST)
- Dat tek kummt ut dat Spaansche von guatemaltecos. Wo de dat nu wedder her hebbt, dat weet ik nich. Wenn ik dat as Leidsatz formuleren schull, denn dee ik seggen:
- Wenn dat op Plattdüütsch keen etableert Begreep gifft un dat Woord ok narms in de Literatur natowiesen is un Hoochdüütsch un Nedderlandsch datsülve Woord bruukt, denn bruukt wi dat nich bewusst anners maken, denn schullen wi uns lever na dat hoochdüütsche un nedderlandsche Vörbild richten. --::Slomox:: >< 17:03, 24. Jun. 2010 (CEST)
- In dissen Fall ist dat dormit kloor. Tomal de Fehrs-Gill dat jo ok so seggt.
- ...wat wi mol bruken deen, weer en Siet, woneem wi dat tohopen bringt, wat wi so alles an Richtlienen formuleert un diskuteert hebbt. Denn kann een dor naslahn un kieken. (vör allen mööt wi denn ok nich jümmer Saken dubbelt un dreefack dörsnacken, wenn na'n half Johr keeneen mehr weet, wat nu egentlich seggt worrn is) --Iwoelbern ✍ 17:37, 24. Jun. 2010 (CEST)