Diskuschoon:Germaansche Spraken

Seiteninhalte werden in anderen Sprachen nicht unterstützt.
Vun Wikipedia

Hej!

Ik find den Artikel mooi, heff avers dree Såken, de mi uppfallen sünd:

Föörst: "As uns Vöröllern ...": Sünd dat mien Vöröllern ween? Wat de Språåk angait säker. Un anners? Wiss doch: Ik heff ook blaue Ogen, man sünd dat ditwegen mien Vöröllern? Dat Formeleern is son beetjen dubbeldüdig un wegen de Nazitied meen ik, dat wi dat so neet schriven könnt. Dat is wiss anners meent, man villicht kann de Schriver dat mål simleern. De Lüüd, de as Bispill hüüt Düütske sünd hebbt ook Vöröllern bi de Kelten, de Römers, de Slawen, de Balten. Neet bloots bi de Germanen. Un in föfftig Jåren hebbt se ook Vöröllern bi de Törken.

Denn sünd de Germanen na Menen van de meersten Wetenschappslüüd een "Mischvolk". De sünd neet so upp eens na Noorddüütschland un Skandinavien trokken. Keen een weet dat so recht, man dat lett, as wenn sik dår ut twee Völkers, ole europäische Buurslüüd un Indogermanen, wat Niget rutbildet hett. Villicht kümmt ook de Luutweseel van dat Tosammenknütten van düsse twee Völkers.

Dat Upptrennen van westgermaansch un noordgermaansch is een beetjen frö anseten. Sülvst över de Dialekt van dat Horn van Galehus sünd sik de Lüüd neet eens. Buten dat is westgermaansch een Produkt van låter Tiden un warrd ton Deel as Konstrukt ankeken. De Autor schrifft sülven, dat de Sassen noch met de Skandinavier snakken kunnen, man dat is al in't fröe Middelolder. Dat is ook de Grund, dat de Sweden in de Hansetied so veel Wöör ut dat Sassische övernamen hebbt.

Gröten, Marieke

Bi den Vöröllern-Satz stöört mi mehr de Fakten as dat Woord. Persien un Kaukasus? De Stried üm de Urheimat is noch lang nich ut un dat is ok nich rut, dat dor Lüüd trucken sünd. Wohrschienlich hett sik blot de Spraak utbreedt un de Lüüd sünd jümmer blot en Stück mittrucken. Wat du baven ja so ähnlich schriffst. --::Slomox:: >< 21:23, 13. Jun. 2010 (CEST)[anter]