Diskuschoon:Aodolshüsen

Gegen phoneetsche Schrievwiese for de Naams

Ik hebb dat an annere Steed al mol seggt: Ik meen nich, datt wi de Oortsnaams phoneetsch schrieven schollen. Amenn is dat swaar to lesen un een versteiht ok mitunner gornich, wie dat eentlich meent is. Hier weer dat eenfacher, wenn wi Adolshüsen schrieven döen, den Diphtong bruukt wi, meen ik, nich. Just so verhollt sik dat mit Riede, wat natüürlich (bi us!) Rier utspraken warrt, man vunwegen de phoneetsche Schrievwiese kaamt dor ganz annere Morphems tostanne, de een sik eerst mol gor nich verklaren kann. Vundeswegen scholl dat beter Riede oder Rie’e schreven weern, de Utspraak is jummers Rier. Ik meen ok, wi harrn annerwegens mol ganz grundsätzlich over phoneetsche Schrievwiese snackt un harrn us dor gegen utspraken. Ik weet avers nich mehr, wo dat weer....--Bolingbroke ✍ 18:12, 4. Aug. 2018 (CEST)

Wohrschienlich hest du recht. Adolshüsen is woll beter. Ik schuuv dat, wenn dor anners nüms wat gegen hett.

Mien Problem is jümmer: för de Naams gifft dat faken blots een Born. In düssen Fall is dat Der Landkreis Verden, Regierungsbezirk Stade. Amtliche Kreisbeschreibung von 1962. Sülvs kenn ik de Naams nich. Dat is to wied weg. Un Dat Book schrifft Aodolshüsen.

Ik heff bi annere Naams ut düt Book ok al de Schrievwies ännert. Dat Book schrifft Fölkes’n för Hoochdüütsch "Völkersen". De Artikel steiht aver ünner Völkersen, denn mi dücht, dat Fölkes’n jüst datsülve is, as wenn en Plattsnacker ut’n Landkreis Veern Völkersen utsprickt.

Aver dat is jümmer en Gratwanderung. Ik heff dor noch keen Weg funnen, de mi vull övertüügt. --::Slomox:: >< 08:13, 6. Aug. 2018 (CEST)