Dieter Möhrmann

Vun Wikipedia
Dieter Möhrmann

Dieter Möhrmann (* 6. März 1948 in Soltau) is en düütschen Politiker von de SPD.

Möhrmann is 1948 in Soltau boren. Na de Realschool hett he en Lehr as Industriekoopmann maakt un as koopmännschen Anstellten arbeidt. Op’n tweten Bildungsweg hett he Afsluss as Diplom-Bedrievsweert un as Diplom-Hannelslehrer maakt. He weer denn Studienraad an en Hannelsschool in Horborg.

1971 is Möhrmann in de SPD rin. Siet 1972 sitt he in’n Stadtraad von de Stadt Snevern. Von 1974 bet 1991 weer he Vörsitter von de SPD-Frakschoon un von 1991 bet 1996 Börgermeester von Snevern. Siet 1981 is Möhrmann ok Afornten von’n Kreisdag von’n Landkreis Heidkreis. Dor is he Vörsitter von de SPD-Frakschoon. Von 1991 bet 2010 weer he tosätzlich Vörsitter von’n SPD-Bezirk Noord-Neddersassen.[1]

Möhrmann weer von 1982 bet 1986 un von 1989 bet 2013 Maat von’n Landdag von Neddersassen. Bi de Landdagswahlen 1994 un 1998 hett he dat Direktmandaat in’n Wahlkreis Soltau haalt. 1994 mit 43,2 % von de Eerststimmen un 1998 mit 46,7 %. Von 1999 bet 2008 weer he Parlamentarschen Geschäftsföhrer von de SPD-Landdagsfrakschoon un von März 2008 bet Anfang 2013 Viezpräsident von’n Landdag. Bi de Landdagswahl 2013 is he ut Öllersgrünn nich mehr wedder antreden.

Möhrmann leevt in Snevern un is evangeelsch-luthersch. He is verheiraadt un hett twee Kinner.

Footnoten[ännern | Bornkood ännern]

  1. Websteed von’n SPD-Bezirk Noord-Neddersassen, afropen an’n 1. Juni 2011

Weblenken[ännern | Bornkood ännern]

Dieter Möhrmann. Mehr Biller, Videos oder Audiodateien to’t Thema gifft dat bi Wikimedia Commons.