Diego Ribas da Cunha

Vun Wikipedia
Wesseln na: Navigatschoon, Söök
Diego
Diego Ribas @ Fenerbahce - Altinordu 23 December 2014.jpg
Spelerinformatschonen
Vullstännig Naam Diego Ribas da Cunha
Geboortsdag 1985-02-2828. Februar 1985
Geboortsoort Ribeirão PretoBrasilien
Positschoon Middelfeld
Vereensinformatschonen
Vereen Juventus Turin
Trikottall 10
Verenen in de Jöögd
1997–2002 FC Santos
Verenen as Speler1
Johren Vereen Spelen (Doren)
2002–2004
2004–2006
2006–2009
2009 -
FC Santos
FC Porto
Werder Bremen
Juventus Turin
64 (21)
48 (4)
84 (38)
Natschonalmannschop2
2003– Brasilien 48 (10)[1]

1 Blots Liga-Spelen.
 Stand: 28. Juni 2009
2Stand: 28. Juni 2009


Diego Ribas da Cunha, allerwegens Diego nömmt, (* 28. Februar 1985 in Ribeirão Preto) is en Footballspeler ut Brasilien. He hett in de Speeltied 2008/2009 bi den SV Werder Bremen in de Football-Bundsliga unner Verdrag stahn un is denn na Juventus Turin wesselt. He hett nich bloß den Utwies vun Brasilien, man toglieke Tied is he ok noch italieenschen Staatsangehörigen.

Sien Weg as Footballspeler[ännern | Bornkood ännern]

Vereen[ännern | Bornkood ännern]

In Brasilien[ännern | Bornkood ännern]

In siene Kinnertied un Jöögd speel Diego bi Comercial FC Ribeirao Preto un Paulistinha Sao Carlos. As he 12 Johr oolt weer, is he dor vun de Utkiekers vun den FC Santos utkeken wurrn. Denn hefft se em na Santos hoolt. Dor speel he toeerst in de Jugendteams un keem denn 2002 to de Profis. He speel in’t Middelfeld un is 2002 un 2004 brasiliaansch Meester wurnn.

FC Porto[ännern | Bornkood ännern]

In’n Summer 2004 güng he na Europa. He wessel för üm un bi 8 Mio. € na den FC Porto. Dor scholl he an de Steed vun Deco treden, de weer afwannert. Man he weer nich alltied Stammspeler un in de twee Johren in de SuperLiga is he faken nich bröcht wurrn.

Werder Bremen[ännern | Bornkood ännern]

Diego bi dat Training vun Werder Bremen

In’n Summer 2006 wessel Diego för üm un bi 6 Mio. € na Werder Bremen in de Bundsliga. He scholl up den Platz de Steed vun den Speelmaker Johan Micoud innehmen, de na sien Heimat, to Girondins Bordeaux torüchgahn weer. He hett en Verdrag bit to’n 30. Juni 2010 unnerschreven. Dor hett he Miroslav Klose as düersten Speler in de Vereensgeschicht mit aflööst. De weer 2004 för fiev Mio. € an de Werser kamen.

Diego harr man eerst dree Spelen in de Bundsliga achter sik, dor is he al to’n Besten Footballer vun’n Maand August wählt wurrn.

Sien Door to’n 1:0 gegen Bayern München an’n 21. Oktober 2006 is to’n Besten Door vun’n Maand Oktober wählt wurrn. Ok to’n besten Speler is he denn in’n Oktober wedder wählt wurrn. In’n Dezember 2006 weer he al to’n drüdden Mol beste Speler vun’n Maand. Korte Tied later is he uttekent wurrn as beste Speler vun de Henrunn in de Saison 2006/2007. Dor hefft 270 Profis ut de eerste Liga bi afstimmt un Diego kreeg 49,6 %. Tweede is sien Mitspeler Miro Klose mit 32,7% wurrn. To’n veerten Mol hett he denn in’n September 2007 dat Beste Door schaten. Dor harr he denn Lukas Podolski mit inkregen, de bit dorhen alleen an de Spitz stünn.

Allerhand Bohei hett dat ok geven, as he an’n 20. April 2007 in dat Speel gegen Alemannia Aken dat Door ut 63,8 m to’n 3:1 drapen hett. Dat is denn Door vun’n Maand April un ok Door vun dat Johr 2007 wurrn.

Bi de Wahl to’n betsen Footballer vun dat Johr 2007 hefft düütsche Journalisten Diego mit 175 Stimmen achter Mario Gómez up Platz twee wählt. Gómez harr 196 Stimmen kregen.[2]

Korte Tied, ehr dat Speel gegen den VfB Stuttgart an’n 22. September 2007 losgüng, is bekannt maakt wurrn, dat Diego sien Verdrag noch en Johr verlängert hett bit to’n 30. Juni 2011. De ole Verdrag güng ja bit 2010.[3]

De Verdragsspeler-Vereenigung (VDV) hett em to’n Speler vun de Saison 06/07 wählt.[4] In’n Dezember 2007 is Diego alwedder to’n besten Footballer vun’n Maand wählt wurrn. Nu hett he düsse Utteknung fiev mol kregen un höllt alleen den Rekord. In den doren Maand hett he mit 81 % vun de afgeven Stimmen ok noch den hööchsten Stimmandeel vun al jemols wählte Spelers kregen. Ok to’n Speler vun de Henrunn 2007/2008 is Diego vun 275 Bundsliga-Profis wählt wurrn. He kreeg 44,9 % un lä düütlich vör Franck Ribéry (21,5 %) un Rafael van der Vaart (16,8%).[5]

To de Saison 2009/2010 hett he dornah en Verdrag mit Juventus Turin afslooten.

Natschonalmannschop[ännern | Bornkood ännern]

Diego bi de Natschonalmannschop

To’n eersten Mol hett Diego an’n 30. April 2003 gegen Mexiko bi de Natschonalmannschop vun Brasilien mitspeelt. In’n Juni 2003 weer he bi den Gold Cup dorbi un hett in sien drüdd Lännerspeel an’n 15. Juli gegen Honduras sien eerst Door schaten. In’n Juli 2004 möök he mit de de Copa América. Dor weer he ok in dat Ennspeel gegen Argentinien mit bi.

In de neesten tweeenhalv Johren is Diego nich mehr för de Seleção upstellt wurrn. Dor hett he denn ok bi de WM 2006 nich mitmaken konnt. As de Natschonalmannschop mit Carlos Dunga en neen Trainer kreeg, hett he an’n 15. November 2006 gegen de Swiez wedder mitspeelt. In Summer 2007 weer he mit Brasilien bi de Copa América wedder mit bi. Man in dat eerste Speel is he in’e Halftied utwesselt wurrn un in dat drüdde Speel un in’t Halffinaal dröff he bloß bit to de 73. Minuut mitmaken. In’t Ennspeel is he eerst in de leste Minuut inwesselt wurrn.

För de Olympiamannschop vun Brasilien is he vun’n Trainer Dunga an’n 8. Juli 2008 beropen wurrn. Vunwegen dat he dor unbedingt henwull, man sien Vereen em nich freewillig gahn laten wull, hett dat allerhand Theater geven. Amenne is de Sake aver in’n Freden regelt wurrn un Diego flöög na Peking. Dor hett Brasilien in’t Haffinaal gegen Argentinien verloren un speel üm den drüdden Platz.

Wat he schafft hett[ännern | Bornkood ännern]

Vereen[ännern | Bornkood ännern]

  • Meester vun Brasilien 2002 un 2004 mit den FC Santos.
  • Weltpokal-Winner 2004 mit den FC Porto
  • Meester vun Portugal mit den FC Porto 2006
  • Pokalwinner in Portugal mit den FC Porto
  • DFL-Ligapokal 2006 mit Werder Bremen
  • Viez-Meester mit Werder Bremen: 2007/2008

Natschonalmannschop[ännern | Bornkood ännern]

  • Copa América-Winner 2004 un 2007 mit Brasilien

Alleen[ännern | Bornkood ännern]

  • Beste Feldspeler in de 1. Bundesliga 2006/2007 na Kicker-Ümfraag
  • Tweete bi de Wahl to’n Footballer vun’t Johr 2007 in Düütschland
  • Fiev Mol Beste Footballer vun’n Monat
  • VDV-Speler vun de Saison 2006/07[4]
  • Beste Feldspeler in de 1. Bundesliga in de Henrunn vun de Saison 2007/08 na Kicker-Ümfraag
  • Door vun dat Johr 2007 (gegen Alemannia Aaken to’n 3:1 in’n April 2007 ut mehr as 60m)
  • Dree Mol Door vun’n Monat: Oktober 2006, April 2007, November 2007

Borns[ännern | Bornkood ännern]

  1. http://www.sambafoot.co.uk/players/498_Diego.html
  2. http://www.sport1.de/de/sport/artikel_1543759.html
  3. Werder.de: Tolle Nachricht: Diego verlängert bis 2011
  4. 4,0 4,1 FocusOnline: Kollegen zeichnen Werders Diego aus
  5. Werder.de: Bundesliga-Profis wählen Diego zum Spieler der Hinrunde

Weblenks[ännern | Bornkood ännern]