Diedrich von der Hellen

Vun Wikipedia
Zur Navigation springen Zur Suche springen

Diedrich Nicolaus Cornelius von der Hellen (* 5. März 1819 op Good Wellen; † 7. Januar 1892 ok dor) weer en düütschen Goodsbesitter un Politiker.

Von der Hellen is 1819 as Söhn von Cornelia Johanne, borene Rom (2. Februar 1795–5. März 1819), un Diedrich Wilhelm von der Hellen (9. April 1786–11. Oktober 1862) op dat Familiengood in Wellen boren.[1] De Moder is bi siene Geboort doodbleven. Von der Hellen is an’n 2. April 1819 in Beverst döfft worrn. As öllsten Söhn (he harr twee öllere Süstern) hett he later dat Good Wellen arvt. Twee Johr na siene Geboort hett de Vader nee heiraadt.

Von 1879 bet 1882 weer he för den Wahlkreis Hannover 33 (Leh) Afornten in dat Prüüßsche Aforntenhuus. He weer dor in de Natschonalliberale Partei.

Von der Hellen hett an’n 18. Juni 1848 in Schadehorn Auguste Margarete Charlotte Schwerdtfeger (25. Januar 1823–7. Juli 1917) freet.[2] De beiden harrn de Kinner Elisabeth Agnes (2. August 1853–7. Mai 1930), Carl Julius (1. Dezember 1854–1. September 1913), Wilhelmine Henriette Engeline (26. Oktober 1856–22. Juni 1936), Ermine Adelheide Sophie (31. Mai 1858–5. Januar 1927), Bruno Meno Wilhelm (14. September 1861–22. Januar 1931) un Jan Hinrich Eduard von der Hellen (27. Oktober 1863–17. Dezember 1927).[3]

Footnoten[ännern | Bornkood ännern]

  1. http://www.haduloha.de/fiches/fiche152.htm#f3045
  2. Genealogisches Taschenbuch der adeligen Häuser. Band 9, 1884, Sied 175
  3. Historie von’n Hoff Wellen Nr. 3 op GenWiki