Diederich Steil
Diederich Steil (* 4. Januar 1847 in Garlst; † 27. Mai 1917 in Brooklyn[1]) weer en plattdüütschen Schriever.
Steil is 1847 in Garlst boren. He is dor ok bet 1861 op Volksschool gahn. 1872 is Steil in de USA utwannert.
1907 hett Steil sien eenzigst Book Kiek in de Welt rutbrocht mit Gedichten un Vertellen op Plattdüütsch un op Hoochdüütsch.
Steil hett an’n 28. April 1888 in Hoboken Clara Lieske (21. Dezember 1864–26. März 1926) freet, de 1881 in de USA inwannert weer. De beiden harrn de Kinner Walter Alexander (* 18. Januar 1890), Else (* Mai 1891) un Anna (* 7. Juni 1894).[2] Een anner Kind is al jung doodbleven. Clara Steil hett 1895 en Huus för de Familie in de Straat 275 Ralph Avenue in Brooklyn för 4500 US-Dollar köfft.[3]
Steil is an’n 27. Mai 1917 doodbleven un op’n Karkhoff Alpine Cemetery in Perth Amboy begraven worrn.[4]
Warken
[ännern | Bornkood ännern]- Kiek in de Welt. Plattdeutsche und hochdeutsche Gedichte und Erzählungen. Brooklyn 1907
Footnoten
[ännern | Bornkood ännern]- ↑ Diederich Steil - Death Record
- ↑ Didrich Steil - 1900 Census Record
- ↑ Real Estate Record and Builders' Guide. F. W. Dodge Corporation, 1895, Sied 655
- ↑ Steil sien Graffsteen op BillionGraves
