Diastool
De Diastool (afleidt vun’t gr. διαστολή „Utwieten, Dehnen“) betekent de Phaas vun’n Bloodkreisloop, in de dat Blood in de Hartkamern inströmt. Dat Gegendeel dorto is de Systool.
Bi de Diastool slappt de Hartmuskel af. In en EKG ist dat de Phaas, de twüschen en T-Bülg (mitünner ok U-Bülg) un de dorop folgen P-Bülg liggt. Se warrt Indeelt in de:
- Entspannungsphaas: dat is de Tiet na de Systool, in de noch all Hartklappen slaten sünd.
- fröhe Füllphaas: de Hartkamern suugt dor dat Blood in, wobi de Taschenklappen dicht sünd, man de Seilklappen apen staht.
- late Füllphaas: de Vörhöff treckt sik tohopen un „schufft“ so noch ’n beten Blood in de Hartkamer. Dorna fangt de Systool mit de Anspannungsphaas an un de Klappen sluut sik wedder.