Delbarestivale

Delbarestivale – meestens kört as Delba oder Delbar betekent – (ok Delcorf) is en Appelsort, de in de Boomschool Delbard in de Gemeend Malicorne / Kanton Commentry in Frankriek ut en Krüüzung vun Stark Jon Grimes un Golden Delicious entstahn is un siet 1982 verbreedt wurr.

Beschrieven

Dat hannelt sück um en meest as Tafelappel bruukt Sömmerapel, de af Midden August riep un bit Oktober/November lagerfähig is.

De Appel hett en middlere bit groot Grött, is hooch baut un is faken walzenförmig. De Sort hett en glatt Schill mit grööngeel Grundfarv un up de vun de Sünn anschiend Siet röötlich Striepen. De Smack is aromatisch, sööt-mildsuer. De starkwassen Boom vertwiegt sück blots swack un sien Äste gaht steil nah baben. De neegt stark to Alternanz.

De Sort wurrd hööftsächlich in’ Erwerbsanbau plant. Wegen hör Krankheitsanfälligkeit (Schorf, Mehldau, Spinnmilben etc.) is de Sort för den extensiven Anbau (to’n Bispeel in’ Huusgorden) nich to bruuken.

Mutanten

Dat gifft mit Ambassy, Celeste, Bruggers Festivale, Eversdijk, Monidel, Apache un Sissired eenig Mutanten vun Delbarestivale, de in hör Eegenschapen afwieken.

Literatur

Manfred Fischer: Farbatlas Obstsorten, Ulmer Verlag, Stuttgart 2003, ISBN 3-8001-5547-8.

Weblenken

Kiek ok

List vun de Appelsorten