David Trimble

Vun Wikipedia
Zur Navigation springen Zur Suche springen
David Trimble (2007)

William David Trimble, Baron Trimble (* 15. Oktober 1944 in Bangor, County Down) is en noordirisch Politiker. He weer van 1995 bit 2005 Vörsitter vun de Ulster Unionist Party (UUP) un van 1998 bit 2002 mit twee Ünnerbreeken Eerst Minister un Stellvertreedend Eerst Minister vun Noordirland (First Minister). 1998 wurr David Trimble gemeensam mit John Hume för sien Bemöhen um en freedlich Lösung vun den Noordirlandkonflikt mit den Freedensnobelpries uttekent.

Leven un Wark[ännern | Bornkood ännern]

David Trimble wurr 1944 as Söhn vun en Beamten in Bangor, 20 km noordöstlich vun Belfast boren. He gung up de Bangor Grammar School un hett later Rechtswetenschap an de Queen’s University in Belfast studeert. Dat Studium hett he 1968 mit den Bachelor of Laws afslooten. Dornah hett he as Dozent an de Universität arbeit. Siet 1969 drüff he as Afkaat arbeiten. Af 1977 gung ge torüch an de Universität un wurr senior lecturer an den juristischen Fackberiek.

De politische Arbeit[ännern | Bornkood ännern]

David Trimble hett sück siet den fröh 1970er-Johren politisch för de Teelen vun de protestantisch Unionisten vun Noordirland insett, de sück dorvör insetten dee, sück faster an Grootbritannien to sluuten. He hörr van 1975 bit 1976 de wählt Verfaatensgeevend Versammlung vun Noordirland an, de as Reaktschoon vun dat Scheitern vun dat Afkommen vun Sunningdale tüschen Grootbritannien, Irland un Noordirland insett wurr. Trimble hett sück för en Tosommenführen vun de militante Vanguard Unionist Party (VUP) mit de Social Democratic and Labour Party (SDLP) utspraaken, wat hüm aber starke Kritik inbrocht hett. De VUP is Enn‘ vun de 1970er Johren utnannerfallen un Trimble hett sück de Ulster Unionist Party anslooten.

1985 wurr David Trimble Liddmaat vun de Ulster Clubs, de as extremistische Verbünde jeden Infloot vun Irland up de Entwicklung in Noordirland bekämpen deen. In‘n Mai 1990 wurr Trimble in dat britisch House of Commons wählt un hör ras Deel vun de Orange Society to de Radikalen in sien Partei. He weer ok gegen en Freedensafkommen nah den Wappentillstand vun de Irish Republican Army (IRA) in‘n Februar 1995 un en Annäherung an de kathoolsch Partei Sinn Féin un gull as en vun de düchtigsten Gegner vun en irisch-britisch Rahmenafkommen.

Anfang vun de Freedensarbeit[ännern | Bornkood ännern]

An‘n 10. Februar wurr Trimble to’n Nahfolger vun James Molyneaux as Führer vun de UUP un fung in disse Rull mit de aktiv Freedensarbeit an, indem he sück tegen den Wedderstand in sien eegen Partei för en Verdraagensbereitschap mit de sozial benahdeeligten un kathoolschen Gesprächspartnern insetten dee. 1996 keem dat eerstmals to en Geste vun dat Handrecken as Signal vun en Vedraagn tüschen hüm un sien politischen Gegner Gerry Adams, den Vörsitter vun Sinn Féin. Ok sien Tosommendrapen mit den irischen Regeerensbaas John Bruton in Dublin weer en Teeken för sien Reformwillen un wurr as historsch Moment betekent.

In‘n April keem dat to Verhanneln tüschen den britischen Regeerensbaas Tony Blair, de sien irisch Amtskollegen Bertie Ahern, David Trimble un Gerry Adams, führt vun den US-amerikaanschen Senator George John Mitchell. Dat Endergevnis weer en Freedensafkommen för Noordirland, dat de Provinz en halvautonomen Status geev. In de folgend Wahl in‘n Juni 1998 wurr de UUP mit Trimble an de Führung starkste Partei mit 28 Sitten, folgt vun de SDLP ünner John Hume mit 24 un Sinn Féin ünner Adams mit 18 Sitten.

An‘n 1. Juli 1998 wurr David Trimble in de Regionalversammlung to’n First Minister wählt. Nahdem he bi e Wahlen 2005 verloren harr, hett he den Parteivörsitt vun da UUP upgeven. 2007 is he sogor to de Conservative Party wesselt.

An‘n 10. Dezember 1998 kreeg he gemeensam mit John Hume den Freedensnobelpries stellvertredend för all Bedeeligten an den noordirischen Freedensperzess, dorünner de Regeeren vun Grootbritannien un Irland, ebenso as Gerry Adams un Martin McGuinness, de en grooten Andeel an de Wappenruhe vun de IRA harrn.

An‘n 2. Juni 2006 wurr he mit den Titel Baron Trimble, of Lisnagarvey in the County of Antrim,to’n Life Peer erhaben un sitt sietdem in dat House of Lords.

Weblinks[ännern | Bornkood ännern]

Commons-logo.svg David Trimble. Mehr Biller, Videos oder Audiodateien to’t Thema gifft dat bi Wikimedia Commons.