Daugavpils

Vun Wikipedia
Wesseln na: Navigatschoon, Söök

Daugavpils is en Stadt in Lettland. De Stadt harr 2016 85 858 Inwahners. Ehr Fläck is 72,5 km². De Stadt liggt 19 km vun de Grenz na Litauen un 27 km vun de Grenz vun Wittrussland. Na Riga is dat de gröttste Stadt in Lettland. Se weer de Hööftstadt vun de historische Region Lettgallen. Se höört nich to'n Bezirk Daugavpils. De Stadt hett en Konsulat vun Russland un en vun Wittrussland. Dor gifft dat en Stratenbohn. Daugavpils is de gröttste mehrheitlich russ'sch sprekene Stadt in de Europääsche Union. 53,6% vun de Minschen sünd Russen, 19,8% Letten, 14,2% Polen, 7,2% Wittrussen, 1,9% Ukrainers, 1,0% Litauers un 2,3% annere.

Geschicht[ännern | Bornkood ännern]

Dat eerste Mol worr Daugavpils in en Urkunn 1275 nöömt. Na dat Opdelen vun den Staat vun'n Düütschen Oorn worr Daugavpils de Hööftstadt vun't Hartogdom Livland. 1582 kreeg Daugavpils de Stadtrechten. Bi dat eerste Opdelen vun Polen 1772 kehm Daugavpils na Russland. In de tweede Hälft vun't 19. Johrhunnert weer de Stadt en vun de dree wichtigste Zentren vun'n Hannel in't westliche Russland. Se kreeg 1860 en Iesenbahnverbinnen noh St. Pedersborg. In'n 2. Weltkrieg worr en groten Deel vun de Inwahners evakueert. Vun 1918 weer Daugavpils in de lettsche sozialistische Sowjetrublik, vun 1920 in't unafhängige Lettland. 1941 worr de Stadt vun Truppen vun't natschonaalsozialistische Düütschland innehmen, man weer vun 1944 bet 1991 wedder in de Sowjetunion. Siet 1993 hett Daugavpils en Universität.

Ethnoreligiöse Gruppen[ännern | Bornkood ännern]

Grupp Minschen
(1989)
 % Minschen
(2011)
 %
Alle 124910 100,00 % 93312 100,00 %
Russen 72775 58,26 % 50013 53,60 %
Letten 16243 13,00 % 18447 19,77 %
dorünner Lettgaller 7673 8,22 %
Polen 16338 13,08 % 13278 14,23 %
Wittrussen 11385 9,11 % 6674 7,15 %
Ukrainer 3903 3,12 % 1795 1,92 %
Litauer 1118 0,90 % 891 0,95 %
Roma 353 0,28 % 375 0,40 %
Juden 1373 1,10 % 311 0,33 %
Annere 1422 1,14 % 1528 1,64 %
Grupp Minsche
(1897)
 %
Alle 69 675 100,00 %
Juden 32 064 46,02 %
Russen 19 153 27,49 %
Polen 11 420 16,39 %
Düütsche 3 126 4,49 %
Wittrussen 1 525 2,19 %
Letten 1 274 1,83 %
Tataren 521 0,75 %
Ukrainer 196 0,28 %
Litauer 190 0,27 %

Weblenken[ännern | Bornkood ännern]

Commons-logo.svg Daugavpils. Mehr Biller, Videos oder Audiodateien to’t Thema gifft dat bi Wikimedia Commons.