Dan O’Bannon

Daniel Thomas O’Bannon (* 30. September 1946 in St. Louis, Missouri; † 17. Dezember 2009 in Los Angeles, Kalifornien) weer en US-amerikaanischen Dreihbookschriever un Speelbaas. Er hett vör allen an Science-Fiction-Filmen arbeit.

Leven

As Dan O’Bannon an de School of Cinema-Television an de University of Southern California studeert hett, drööp he John Carpenter, mit den he 1970 den 45 Minuuten langen Kortfilm Dark Star dreiht hett. Mit Finanzmiddel vun blots 60.000 US-Dollar hett Carpenter dat gemeensome Projekt later to’n Speelfilm utwiet, dat 1974 in de amerikaanschen Kinos kamen is. De Film is 1975 för de besten Trickeffekten uttekent worrn. O’Bannon hett an dat Dreihbook för dissen Film mitarbeit un een vun de Hööftrullen (Pinback) speelt. Butendem weer he ok an’n Filmsnitt bedeeligt. Sien Arbeit as Filmtechniker, bi de he ok kort bi de Dreiharbeiten vun Star Wars anstellt weer, hett O’Bannon denn opgeven, üm sik wedder mehr den Schrieven vun Dreihböker totowennen.

1975 hett he den Moebius-Comic „The Long Tomorrow" in Szeen sett, de en Oort Vörlaag dorstellt för de optische Gestalten vun vele Science-Fiction-Warken, as to’n Bispeel Blade Runner, en Film, de as Mielensteen gellen kann.

Na Star Wars schüll O’Bannon de Trickeffekten bi Alejandro Jodorowskys Verfilmen vun Dune leiden, man en Verdrag keem dorför nich tostannen. He harr nu keen faste Wahnsteed un ok keen Geld. Tosamen mit sien Fründ Ronald Shusett hett he in den sien Wahnung de Vörlaag to Alien schreven. Bi sien nächsten groten kommerziellen Film, Blue Thunder vun John Badham (1983), geev he sien Unmoot to verstahn, dat den Dreihbook, dat he mit Don Jakoby schreven harr, dör wiete Ännern de politische Inholt afhannen kamen is. 1985 schreev he tohopen mit Jakoby de Vörlaag to Lifeforce, de vun Tobe Hooper verfilmt worrn is. In dat Johr weer he sülvst ok Speelbaas bi de Zombie-Kummedie The Return of the Living Dead, de Betog nehmen de op den Klassiker Night of the Living Dead vun George A. Romero ut dat Johr 1968.

O’Bannon weer siet 1986 verheiraat un harr een Söhn. He is 2009 in’t Öller vun 63 Johren doodbleven, nadem he lange Johren an Morbus Crohn leden hett.

Filmografie

Johr	Titel	Funkschoon	Synchroonsnacker
1974	Dark Star dt.: Dark Star – Finsterer Stern	Dreihbook Trickeffekten Filmsnitt Schauspeler	Joachim Kerzel
1979	Alien dt.: Alien – Das unheimliche Wesen aus einer fremden Welt	Dreihbook	—
1981	Dead & Buried dt.: Tot und begraben	Dreihbook	—
1981	Heavy Metal	Dreihbook	—
1983	Blue Thunder dt.: Das fliegende Auge	Dreihbook	—
1985	The Return of the Living Death dt.: Verdammt, die Zombies kommen	Dreihbook Speelbaas	—
1985	Lifeforce dt.: Lifeforce – Die tödliche Bedrohung	Dreihbook	—
1986	Invaders from Mars dt.: Invasion vom Mars	Dreihbook	—
1990	Total Recall dt.: Die totale Erinnerung – Total Recall	Dreihbook	—
1992	The Resurrected dt.: Evil Dead – Die Saat des Bösen	Speelbaas	—
1995	Screamers dt.: Screamers – Tödliche Schreie	Dreihbook	—
1997	Bleeders dt.: Hämoglobin	Dreihbook	—
2004	Alien vs. Predator	Dreihbook	—

Filmpriesen

Dan O’Bannon is för sien Arbeiten ölvenmol för Filmpriesen vörslahn wesen, dorünner ok mehrmols al för den Saturn Award. Uttekent weer he dreemol:

• 1976: mit den Golden Scroll Award in de Kategorie Best Trickeffekten för Dark Star
• 1980: mit den Hugo Award in de Kategorie Best Dramaatsch Vörföhren för Alien
• 1987: mit den Hugo Award in de Kategorie Best Dramaatsch Vörföhren för Aliens

Weblenken

• Dan O’Bannon in de Internet Movie Database (engelsch)