Curt Miehe

Vun Wikipedia
Zur Navigation springen Zur Suche springen

Curt Miehe (* 17. August 1903 in Dessau; † 6. Juli 1965 in Hannover) weer en düütschen Jurist un Politiker von de SPD.

Miehe is 1903 as Söhn von en Postbeamten in Dessau boren. Na de Oberrealschool in Dessau hett he Juristeree an de Universitäten in Leipzig un Berlin studeert. He hett 1926 dat eerste, 1930 dat twete juristische Staatsexamen un 1927 in Leipzig sien Dokter maakt. He weer denn Avkaat un Notar in Dessau.

1941 is Miehe in de NSDAP ringahn. He weer vörher al von 1936 af an Maat von dat NSKK un dor siet 1940 Rottenföhrer.[1]

Miehe güng 1951 ut polietsche Grünn na Westdüütschland un hett denn in Neddersassen leevt. He weer Verwaltungsjurist in Bruunswiek. 1952 is he Verwaltungsgerichtsraad worrn, 1953 Verwaltungsgerichtsdirekter un weer von 1954 bet 1956 Ministerialraad un Ministerialdirigent in de Neddersassische Staatskanzlei. Von 1956 bet 1958 weer he Präsident von dat Bruunswieker Verwaltungsgericht.

Miehe weer 1958/1959 kommissarschen Regerungspräsident in’n Regerungsbezirk Stood. He güng 1959 in de SPD rin un weer von 1959 bet 1964 as Staatssekretär Baas von de Neddersassische Staatskanzlei. Von’n 24. Juni 1964 bet to sien Dood weer he Minister för Bundsangelegenheiten, Verdrevene un Flüchtlinge in de Landsregeren von Ministerpräsident Georg Diederichs. Em in’t Amt nafolgt is Maria Meyer-Sevenich.

Warken[ännern | Bornkood ännern]

  • Die Rechtsstellung der Notstandsarbeiter unter Berücksichtigung der Neuerungen des Gesetzes vom 16. Juli 1927 über Arbeitsvermittlung und Arbeitslosenversicherung, Kohlhammer, Stuttgart 1927

Footnoten[ännern | Bornkood ännern]

  1. NS-Vergangenheit von Ministern und Ministerpräsidenten des Landes Niedersachsen (PDF; 92 kB), Landtagsdrucksache 16/4667, S. 4.