Crossloop

Vun Wikipedia
Wesseln na: Navigatschoon, Söök
Crossloop-Wettstriet

Crossloop oder Dwarsfeldloop is en Oort vun’n Loopsport, bi de dat sünners op dat gaue Dörlopen vun de Landschop af vun faste Weeg ankummt. In’n Vergliek to’n Stratenloop oder de normalen Loopdisziplinen stelltde Crossloop mehr Anspröök an de Koordinatschoon.

Siet eenige Johren warrt Crossloop na’t Enn vun de Lichtathletiksaison in de Wintermaanden utdragen. De Crossloop weer Johrteihnte lang en Sport, de geern to’n Rüstenför de tokamen Loopsaison maakt worrn is. De Meesterschoppen füngen in’n Februar op Landseven an, stegen bit in’n März op Bundseven, denn wieter na de Europameesteschoppen un opletzt de Weltmeestercross. Siet eenige Johren löpt dat aver jüst anners rüm. In’n November, wat an sik in de Lichtathletik de klassische Maand weer, üm sik to verhalen, finnt nu de Meesterschoppen statt.

Bi’n Crossloop mutt de Streck in en apen oder en wolldriek Rebeet liggen, schall so wiet mööglich mit Gras afdeckt wesen un natürliche Hinnern opwiesen, de aver den Löper nich in Gefohr bringen schüllt. Deepe Gravens, piele Op-oder Afstiegen oder hoge Muern schüllt also nich op’n Weg liggen. Tomeist finnt Crossloop-Wettkämp op’n Rundkursmit en Läng vun 1750 bit 2000 m statt.

Vun 1912 bit 1924 weer Crossloop en egenstännige olympische Disziplin. As Deeldisziplin vun den Modernen Fiefkamp is de dat ok vundaag noch.

Meesterschoppen in’n Crossloop[ännern | Bornkood ännern]

Blangen de Crossloop-Weltmeesterschop gifft dat natschonale un kontinentale Meesterschoppen – för Europa to’n Bispeel siet 1994.

Bi de Crossloop-WM sünd opstunns de nafolgen Strecken vörsehn:

  • Mannslüüd: ruchweg 12 km
  • Fronslüüd: ruchweg 8 km
  • Junioren: ruchweg 8 km
  • Juniorinnen: ruchweg 6 km

Weblenken[ännern | Bornkood ännern]