Club of Rome

Vun Wikipedia
Logo vun den Club of Rome

De Club of Rome is en nichkommerziell Organisatschoon, de en global Gedankenuttuusch to verscheeden internatschonal politisch Fragen bedrifft. De Organisatschoon harr ehrn Sitt tonächst in Hamborg, hett dissen aber an‘ 1. Juli 2008 nah Winterthur (Swiez) verleggt.

Historie[ännern | Bornkood ännern]

De Club wurr 1968 grünnt. De Idee stammt vun den italieenischen Industriellen Aurelio Peccei, en dormalig Liddmaat vun de Firmenleitung vun Fiat un Olivetti un Präsident vun de Ünnernehmendberaden Italconsult, as ok den Schotten Alexander King, Direktor för Wetenschap, Technologie un Erziehung bi de Pariser Organisatschoon för wertschaplich Tosommenarbeit un Entwicklung (OECD). Se hebbt dat schafft, en Konferenz to de Tokunftsfragen vun de Minschheit in de Accademia dei Lincei in Rom to organiseeren, de aber nich den gewünschten Spood harr. Nah dat Enn‘ vun de Konferenz hebbt sück söss Deelnehmer drapen: Aurelio Peccei, Alexander King, Hugo Thiemann, Max Kohnstamm, Jean Saint-Geours un Erich Jantsch. De Grupp hett beslooten, hör Ideen wieder to verfolgen un geev sück de Naam „Club of Rome“.

1973 kreeg de Club of Rome den Freedenspries vun den Düütschen Bookhannel as bither eenzig Organisatschoon anstäe vun en Eenzelperson.[1]

Utwahl vun de Liddmaaten[ännern | Bornkood ännern]

  • De Club sall multinatschonal un multikulturell ween; all Kulturen, Ideologien, Beropen un Wetenschapstwieg söllt vertreden ween.
  • Liddmaaten sünd utsöcht Ökonomen, Industrielle, Wetenschapler un anner Persönlichkeiten vun dat apenlich Leven.
  • Dat wurrd tüschen aktiv, assozieert, Ehren- un institutionell Liddmaaten ünnerscheeden. De Tall vun de aktiv Liddmaaten is beschränkt (up 100), to Tiet gifft dat 66 Vullliddmaaten. En hoochrangig politisch Amt slutt de aktiv Liddmaatschap ut.
  • Bewerbungen um de Liddmaatschap sünd mögelk, aber nich begäng, Vörbild is dat Prinzip vun de wetenschaplich Akademien.

Liddmaaten vun den Club of Rome Internatschonal[ännern | Bornkood ännern]

Präsidenten[ännern | Bornkood ännern]

Teel/Anliggen[ännern | Bornkood ännern]

Dat gemeensam Teel vun all Clubliddmaaten wurrd as folgt beschreven: „Unser Ziel ist die gemeinsame Sorge und Verantwortung um bzw. für die Zukunft der Menschheit!“ Buterdem nennt de Club of Rome as Teel „building a global society in the 21st century“ un „Global Governance“.[2] Um sien Teelen in de "Global Society" to schaffen, sett de Club of Rome up de Billen vun de jung Generatschoon. So wurrd in völ Länner Ganzdagsschoolen grünnd, de mit mögelkst völ butenschoolisch Lernöörd – Bedrieven, Vereens, Universitäten - int In- un Utland vernett sünd. De nee Schoolen sullen sück mit hör jeweilig Schoolprofil in dat Konzept vun den Club-of-Rome-Schoolen rinentwickeln. Dorbi wurr se vun en erfohren Schoolcoach vun den Club of Rome beraden un begleit. För eenzelt Facken wurrn Spezialisten totrucken. Nah en geglückt Umwanneln kriegt disse Schoolen denn dat Qualitätssegel "Club of Rome-School".[3]

Warken un Wirken[ännern | Bornkood ännern]

Bit hüüd is de Club of Rome in Grund blots eenmal in bedüüdend Utmaat apenlich uptreden – un zwor mit den 1972 rutgeven Bericht Die Grenzen des Wachstums, de vun Dennis Meadows tosammenstellt wurrn weer. Mit disse Studie wurr eerstmals ünner Verwennen vun System Dynamics in‘ Rahmen vun verscheeden Szenarien en Prognose för de tokünftig Wiederentwickeln vun de Welt erstellt.

Siet 1972 wurrn blangen anner Publikatschonen 33 so nömmt „Berichte an den Club of Rome“ annommen, de sück mit verscheeden Themen vör allen ünner den Gesichtspunkt vun de tokünftig Entwicklung befaaten. De Berichte wurrd vun extern Experten oder Liddmaaten vun den Club verfaat, to Begoodachten vörleggt un as Bericht annommen – oder aflehnt. Se wurrd aber nich vun den Club as Organisatschoon verfaat oder herutgeven.

De Club of Rome is Mitinitiator vun de Initiative för en Global Marshall Plan.

Herutgeven Studien[ännern | Bornkood ännern]


Organisatschoon[ännern | Bornkood ännern]

Ünner de Beteken Club of Rome, National Association vun de Club of Rome un tt30 (Think Tank 30) is en Nettwark vun formal unafhängig, dör gemeensam Ideen verbunnen Organisatschonen aktiv. Wiel dat hüüd en gröttere Tall vun National Associations un tt30s gifft, wurrd de oorsprüngliche Club of Rome to Ünnerscheeden, af un to mit „Club of Rome International“ betekent, sünners denn, wenn de Mögelkeit vun en Verwesseln besteiht.

  • Der Club of Rome International hett maximal 100 Vullliddmaaten. Disse wählt en Exekutivkomitee, dat ut sien Midden den Präsidenten un de Viezpräsidenten bestimmt. Assozieerte un Ehrenliddmaaten hebbt kien Stimmrecht. De Club of Rome International drapt sück eenmal in’t Johr. In‘ September 2007 wurr beslooten, dat Generalsekretariats vun Hamborg nah Zürich to verleggen. De Anschuuvfinanzeeren vun dat Ümtrecken vun 1,82 Mio. Franken (=1,2 Mio. Euro) wurr allerdings an‘ 24. Februar 2008 in en Volksafstimmen aflehnt.[4] An‘ 21. April 2008 hebbt de Stadtpräsident vun Winterthur Ernst Wohlwend un en Vertreder vun den Club of Rome bekannt makt, dat de Hööftsitt nah Winterthur verleggt wurrd. De Club of Rome wurrd dorbi vun de Robert un Ruth Heuberger-Stiften över fiev Johr mit insgesamt 1,8 Millionen Swiezer Franken ünnerstütt.[5]
  • Think Tank 30 International is en Grupp vun 30 jungen Minschen um de 30 Johr old, de sück den Teelen vun den Club of Rome verbunnen föhlen. Nee Liddmaaten wurr vun bestahn Liddmaaten utwählt.
  • Die National Associations vun de Club of Rome sünd formal unafhängig Organisatschonen up Lännerebene. Meest sünd se as Vereen organiseert. Se wählen hör Arbeitsthemen, hör Struktur un hör Liddmaaten free ut. Liddmaaten vun den Club of Rome International sünd nich automatisch Liddmaaten vun de jeweilig Lännerorganisatschoon (ok wenn dat faken de Fall is). De National Associations hebbt tosommen mehr as 1000 Liddmaaten. Eenig hebbt ok natschonale Think-Tank-30-Gruppen bild.

Düütsch Sellschop Club of Rome[ännern | Bornkood ännern]

De Düütsch Sellschop Club of Rome wurr 1978 in dat Huus Rissen (Hamborg) grünnd. Se hett sück, ähnlich as mehr as 30 natschonale Sellschoppen in anner Länner, to’n Teel sett, de Ideen un Arbeiten vun den Club of Rome de interessiert Apenlichkeit in Düütschland nah to bringen, vör allen aber Vertreder ut Wetenschap, Wertschap, Verwalten un Politik to en konstruktiv Meeenensuttuusch över Tokunftsfragen vun de Minschheit tosommentoführen. Aktuell Projekte vun de Düütsch Sellschopp Club of Rome sünd de DESERTEC, de Global Marshall Plan Initiative un de Club of Rome-Schoolen un de weltwiet Schölerinitiative Plant-for-the-Planet.

Vörstand

  • Max Schön (Präsident)
  • Frithjof Finkbeiner (stv. Präsident)
  • Dirk Wollenhaupt
  • Prof. Dr.-Ing. Dr. Christian Berg
  • Fabian Brandt

Geschäftsführen Andreas Huber

Think Tank 30 vun de Düütsch Sellschop Club of Rome (tt30 Düütschland)[ännern | Bornkood ännern]

An’ Dag vun de Düütsch Eenheit 2004 wurr in Hamborg de Think Tank 30 (tt30) Düütschland ünner dat Daak vun den Club of Rome grünnd. De Think Tank is en Nettwark vun jung Lüüd um de 30 Johr old, de sück mit Tokunftsfragen utnannersetten. As unafhängig Grupp drocht he to sellschoplich Debatten bi un beschrifft Empfehlungen för en langfristig Politik. De Think Tank is en natschonal Forum, dat interdisziplinär un interkulturell utricht is. He will de Diskussion um Tokunftsverantwoorten un Nahhollenskeit präziseeren, mit kritisch Impulsen de Minschen in Deutschland ansmacken un för en weltwiet Perspektive begeistern. In Arbeitsgruppen schrievt de Liddmaaten vun de Think Tanks sellschoppolitische Texten, führen künstlerisch un satirisch Aktschoonen dör un organiseeren Projekte un Gesprächsrunnen. Jedes Johr finnen twee Tagungen för all Liddmaaten vun den Think Tanks statt.[6] De Think Tank sall ünner annern "einen Beitrag zur öffentlichen Meinungsbildung leisten".

Literatur[ännern | Bornkood ännern]

  • Dennis Meadows u. a.: Die Grenzen des Wachstums – Bericht des Club of Rome zur Lage der Menschheit (Originaltitel: The limits to growth, översett vun Hans-Dieter Heck), DVA, Stuttgart 1972, ISBN 3-421-02633-5 (16. Uplaag 1994).
  • Mihailo Mesarović, Eduard Pestel: Menschheit am Wendepunk – 2. Bericht an den Club of Rome zur Weltlage (Originaltitel: Mankind at the turning point översett vun Hans-Dieter Heck un Walter Stegemann). DVA, Stuttgart 1974, ISBN 3-421-02670-X.
  • Donella H. Meadows, Dennis Meadows, Jørgen Randers u. a.: Die neuen Grenzen des Wachstums, die Lage der Menschheit: Bedrohung und Zukunftschancen [Prognose 1991-2100 ] (Originaltitel: Beyond the limits, översett vun Hans-Dieter Heck), DVA, Stuttgart 1993 ISBN 3-421-06626-4 (Taschenbookutgaav: rororo 9510 In: rororo-Sachbuch Rowohlt, Reinbek bi Hamburg 1993-1995, ISBN 3-499-19510-0).
  • Franz Josef Radermacher, Bettina Hofstaetter (Översetten), Global Marshall Plan Foundation (Hrsg.): Global Marshall Plan. A Planetary Contract for a Worldwide Eco-Social Market Economy. Global Marshall Plan Initiative, Hamburg 2004, ISBN 978-3-9809723-0-7 (düütsch un engelsch).
  • Axel Beyer: Wie wir lernen wollen. Das Netzwerk der Club of Rome-Schulen. Murmann, Hamburg 2006, ISBN 3-938017-73-2.

Weblenken[ännern | Bornkood ännern]

Enkeld Nahwiesen un Borns[ännern | Bornkood ännern]

  1. Friedenspreis des Deutschen Buchhandels, Tages-Anzeiger van‘ 7. Oktober 2006
  2. Club of Rome First Quarterly Newsletter 2009, vol. 4#1
  3. http://www.clubofrome.de/schulen/schulen/presse/040522_hamburger_abendblatt.pdf
  4. Nein zum «Club of Rome», Der Landbote van‘ 25. Februar 2008
  5. Winterthur schnappt sich Club of Rome, Tages-Anzeiger van‘21. April 2008
  6. http://www.tt30.de/ueber-uns/