Clive William John Granger

Vun Wikipedia
Wesseln na: Navigatschoon, Söök
Clive Granger

Sir Clive William John Granger (* 4. September 1934 in Swansea, Wales; † 27. Mai 2009) weer en britisch Wertschapswetenschapler.

Leven un Wark[ännern | Bornkood ännern]

Granger hett 1959 an de University of Nottingham sien Doktertitel maakt. He weer Perfesser för Wertschapswetenschapen an de University of California, San Diego, USA. Hüm wurr an' 8. Oktober 2003 för sien Arbeit an „Methoden zur Analyse ökonomischer Zeitreihen mit gemeinsam veränderlichen Trends (Kointegration)“ de Nobelpries för Wertschapswietenschapen tospraaken. As Bispelen för de vun Granger ünnersöcht statschonäär Tietreegen, de blots wenig um en vörgeven Wert schwanken, hett de Königlich Sweedsch Akademie vun de Wetenschapen den Tosommenhang tüschen Vermögen un Konsum, Wesselkursen un Priesniveau oder körtfristigen un langfristigen Tinssätze nömmt.

Den Nobelpries 2003 deel he sück mit Robert Fry Engle, vun de New York University, USA, de de Utteknung „für Methoden zur Analyse ökonomischer Zeitreihen mit zeitlich variabler Volatilität (ARCH)“ kriegen dee.

2005 wurr Clive Granger to'n Ridder slahn. He weer siet 1960 mit Patricia (Lady Granger) bit to sien Dood verheiraadt. He harr mit hör een Söhn, Mark William John, un een Dochter, Claire Amanda Jane.

Weblenken[ännern | Bornkood ännern]

Commons-logo.svg Clive Granger. Mehr Biller, Videos oder Audiodateien to’t Thema gifft dat bi Wikimedia Commons.