Zum Inhalt springen

Christoph Neubronner

Vun Wikipedia

Christoph Neubronner (* 16. Februar 1960 in Königstein im Taunus) is en düütsch Jazz-Pianist, de vör allen dör sien Speeloort in de Traditschoon vun Oscar Peterson künnig wurrn is. He steiht in verwandschaplich Lien to Julius Neubronner.

He kreeg af sien negent Levensjohr Klaveerünnerricht, wobi sück bannig gau sien Vörleev för dat Improviseeren rutstellen dee. Nah en längere, intensiv Befaaten mit de Musik vun Emerson, Lake and Palmer keem he mit 15 Johren dat eerste Mal mit den Jazz in Beröhren. Dör sien afsolutes Gehör un sien Improvisatschonstalent wurr de Jazz gau to sien musikalischen Heimat. Vun dissen Tietpunkt an stunn disse Stilricht blangen de Klassik in’ Middelpunkt vun sien musikalisch Arbeit.

Siet Midden vun de 1980er Johren arbeit Neubronner mit en Reeg vun bekannt Jazzmusiker insbesünnere in dat Rhien-Main-Rebeet tosommen; so hörrt he ünner annern to dat Sextett vun Frank Runhof. He speelt aber ok mit europääsch un internatschonal Jazzgrötten as Bill Ramsey un Greetje Kauffeld un is ok mit Dave Weckl un John Patitucci uptreden.

Siet 1999 is he fast Liddmaat vun dat Siggi Gerhard-Swingtetts.

Weblenken[ännern | Bornkood ännern]