Chimole

Vun Wikipedia

Chimole, Black Soup, Black Relleno oder ok Black Dinner is en Eten ut de Köök von Belize un de mexikaansche Halvinsel Yucatán. Dat tekent sik besünners dör sien swarte Klöör ut, de von dat Recado negro ut verköhlte Chilis kummt, wat dor in is.

Tosätzlich sünd dor ünner annern Höhnerfleesch, Hackfleesch von’t Swien, Tomaten, Oregano un Zibbeln in. Wenn de Supp trech is, warrt dor kaakte Eier, Tortillas oder Ries to serveert. Dat Eten kummt von de Mestizen, is vondaag aver ok von de annern Volksgruppen in Belize övernahmen worrn.