Charles Hoadley

Charles Archibald Brookes Hoadley (* 1. März 1887 in Burwood, Melbourne; † 27. Februar 1947 in Footscray, Victoria) weer en austraalsch Geoloog un Antarktisforscher.

Leven un Wark

De Söhn vun den Marmelaadfabrikanten Abel Hoadley harr en Afsluss in Bargwarkingenieurswesen vun de Universität Melbourne.

He weer Liddmaat vun de austraalsch Antarktis-Expeditschoon ünner Douglas Mawson van 1911 bit 1913. Nah de Expeditschoon, de he up de westlich Basis verbrocht un dorbi mehrere Schleddenreisen ünnernommen hett, hett he noch den Master of Science Grad ebenfalls an de Universität in Melbourne erwurben.

Ansluutend weer he Dozent an de School för Bargwark un Industrie in Ballarat, Victoria, Australien. Af 1917 bit to sien Dood 1947 weer he denn Rektor vun de Technisch School in Footscray, Victoria.

Orden un Ehrungen

1915 Polarmedaille
1931 Silver Wolf-Orden
1936 Ernennung to’n Commander vun den Orden vun dat Britisch Königriek

Buterdem is Cape Hoadley (af un to ok falsch schreven as Cape Hoadky) in de Antarktis nah hüm nömmt.