Cecil Powell

Vun Wikipedia
Cecil Powell, 1950

Cecil Frank Powell (* 5. Dezember 1903 in Tonbridge, Kent; † 9. August 1969 in Bellano an' Comer See) weer en britisch Physiker un Nobelpriesdräger.

Leven[ännern | Bornkood ännern]

Cecil Powell wurr an' 5. Dezember 1903 as Söhn vun den Gewehrmaker Frank Powell in Tonbridge/Kent boren. Nah den Besöök vun de Grundschool kreeg he en Stipendium an de Judd School in Tonbridge. Mit wiederen Stipendien hett he dat Sidney Sussex College in Cambridge besöcht, dat he 1924/25 mit den Natural Sciences Tripos afslooten hett. Sien Doktertitel kreeg he 197 an dat Cavendish-Laboratorium in Cambridge ünner Wilson un Rutherford un gung ansluutend as Forschensassistent vun Arthur Mannering Tyndall an de University of Bristol. 1936/37 nehm he an en Expeditschoon in de Westindische Inseln deel, bi de he en Seismographen bi Ünnersöken vun Vulkanen bedeenen dee. 1948 wurr he to'n Melville-Wills-Professor för Physik in Bristol nömmt.

To sien Schöler hörr ünner annern Richard Dalitz un Peter Fowler.

Powell weer ok politisch aktiv in de Anfängen vun de Pugwash-Bewegen.

Powell hett 1932 sien Assistentin Isobel Therese Artner heiraadt un harr twee Döchter mit hör.

Wark[ännern | Bornkood ännern]

Powells eerste Forschungen an dat Cavendish-Laboratorium hemm sück mit Kondensatschonsphänomenen befaat, wobi he de Existenz vun en Översättigung in gau expandeeren Damp nahwiesen kunn. Disse Opdecken harr en grooten Infloot up de Wiederentwickeln und Leistungsstiegern vun Dampturbinen.

In Bristol hett he Verfohren to dat nau Meeten vun de Mobilität vun positiv Ionen entwickelt un kunn de Oord vun de Ionen in de meest in Gebruuk stahn Gasen nahwiesen. Nah de karibisch Expeditschoon hett he sück mit de Konstruktschoon vun en Cockcroftgenerator to de Beschleunigung vun Protonen un Deuteronen befaat, de he tosommen mit en Wilsonsche Nebelkamer to dat Ünnersöken vun de Neutron-Proton-Streen bruukt hett.

Af 1938 hett he sück ok mit de Kosmische Strahlung befaat (dormals de hööftsächliche Born vun hoochenergetisch Deelken vör Entwickeln vun bruukbor Beschleuniger) un hett Methoden entwickelt, de Deelkensporen mit photographischen Emulsionen uptoteken. Later bruuk he disse Methoden ok to dat Energiemeeten vun Neutronen dör de Rückstöötprotonen, hierbi kunn he en Tosommengahn tüschen Energie un Spoorlängt herstellen, de bald wiet Anwennen in Experimenten to de Karn- un Deelkenphysik funn. Nah en Wiederentwickeln vun de photographisch Emulsionen gelung hüm mit Giuseppe Occhialini, Muirhead un annern 1947 de Nahwies vun dat Pion un de Muonen (dormals as Mesonen betekent) in de kosmisch Strahlung as ok dat Bestimmen vun hör wesentlich Eegenschapen. Later wurr aber bekannt, dat dat (toeerst vun Hideki Yukawa 1935 theoretisch för de Karnkraft vörslahn) Pion all en beeten vörher in dat Johr 1947 vun Donald Hill Perkins vun dat Imperial College in photographisch Emulsionen opdeckt wurrn weer.

In dissen Tosommenhang weer he Direkter vun dat europääsch Programm to den Höhenforschung mit Ballonflüüg in Sardinien (1952) un in de Poebene (1954, 1955 un 1957).

Utteknungen[ännern | Bornkood ännern]

Powell kreeg 1950 den Nobelpries för Physik „för de Entwicklung vun de photographisch Methood to dat Ünnersöken vun de Karnvörgangen un de dormit verbunnen Opdecken vun de Mesonen“. 1949 wurr he as Liddmaat („Fellow“) in de Royal Society wählt, de hüm 1949 de Hughes-Medaille un 1961 de Royal Medal verleehn dee.

Wiedere Utteknungen:

1961 weer he in dat wetenschaplich Beradensgremium vun den CERN.

Schriften[ännern | Bornkood ännern]

  • mit Occhialini Nuclear physics in photographs, Clarendon Press 1947
  • mit Peter Fowler, Donald Hill Perkins The study of elementary particles by the photographic method, Pergamon Press 1959

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Vörlaag:Leopoldina