Carsten Jensen
Carsten Jensen (* 24. Juli 1952 in Marstal up de Insel Ærø) is en däänschen Schriever, Publizisten un studeerten Literaturwetenschoppler.
Loopbahn
[ännern | Bornkood ännern]Sien Afsluss in de Literaturwetenschoppen hett he 1981 up de Universität in Kopenhagen maakt. In de 1980er Johren is he en bekannten Naam in de däänschen Dagblöer ween, wo he sellschopskritische Essays, Artikels un Reportagen in schreven hett. Bavenhen hett he mitmaakt bi de Blöer Dagbladet Information, Politiken, Aktuelt, Ekstra Bladet un Morgenavisen Jyllands-Posten. Vun 1985 bit 1990 is he Redakteur ween bi de Tiedschrift Fredag. 2001 is he Perfessor för Kulturanalyse bi de humanistische Fakultät an de Süüddäänsche Universität wurrn un vun 2000 bit 2003 weer he Liddmaat vun Det Kulturelle Vismandsråd (De Raat vun wise Mannslüde, de sik mit Kultur befaten deit). Bi dat däänsche Pubklikum is he ok bekannt wurrn as en beten grantigen Richter in dat Talentprogramm "Vis Hvad Du Kan" (Wies, wat du kannst) up dat däänsche Feernsehn in dat Johr 2004,
Priesen
[ännern | Bornkood ännern]1997 hett Carsten Jensen den Pries Boghandlernes Gyldne Laurbær kregen för sien Reisbericht Jeg har set verden begynde (Ik harr sehn, wie dat losgüng mit de Welt), den he 1996 rutbröcht harr. 2007 hett he den P2s romanpris kregen för sien unbannigen Roman Vi, de druknede (Up Platt: Wi, de Drinkeldoden; Wi, de afsapen sünd). De is up Düütsch rutkamen unner den Titel Wir Ertrunkenen. Dor hett he ok noch den Literaturpries vun de Däänsche Bank (Danske Banks litteraturpris) för kregen, de sik, to de Ehr un en Skulptur noch to, up 300.000 stüürfree Däänsche Kronen belopen deit.[1].
Privat
[ännern | Bornkood ännern]Privat leevt he tosamen mit de Schrieversche Liz Jensen, mit de he en Dochter hett.
Bibliografie
[ännern | Bornkood ännern]- Salg, klasse og død, 1975
- Sjælen sidder i øjet, 1985
- På en mørkeræd klode, 1986
- Souveniers fra 80'erne, 1988
- Kannibalernes nadver, 1988
- Jorden i munden, 1991
- Af en astmatisk kritikers bekendelser, 1992
- Forsømmelsernes bog, 1993
- Jeg har set verden begynde, 1996
- Jeg har hørt et stjerneskud, 1997
- År to & tre, 1999
- Oprøret mod tyngdeloven, 2001
- Jorden rundt (2003)
- Livet i Camp Eden (2004)
- Det glemte folk - en rejse i Burmas grænseland (2004)
- Vi, de druknede , up Düütsch: Wir Ertrunkenen (2006)
- Sidste rejse (2007)