Carl Ludwig Wimmel
Carl Ludwig Wimmel (* 23. Januar 1786 in Berlin; † 16. Februar 1845 in Hamborg) weer en düütsch Architekt un Baumeester. Nah en Lehr as Timmermann hett Wimmel bi Carl Gotthard Langhans arbeidt, bevör he 1807 nah Hamborg trucken is. Dor hett he sück in kostenlos Abendkursen bi de Patriotische Sellschap van 1765 wieder bildt. Mit en Stipendium vun disse Sellschap kunn he sück 1809–1810 bi Friedrich Weinbrenner in Karlsruhe to’n Architekten utbilden laaten. Dornah hett he bit 1814 en Italien-Reis ünnernommen.
Begraven is he up den Karkhoff Hamborg-Ohlsdorf.
Bowarken un Plänen
[ännern | Bornkood ännern]1816 wurr Wimmel in den Hamborger Stadtsdeenst övernommen un 1841 is he Eerster Baudirekter vun Hamborg wurrn. Dör sien Positschoon kunn he völ apenlich Bowarken in diesse Tiet boen. Disse Bowarken stammen vun hüm:
- 1819: Gaststedenbowark an de hüüdige Adenauer-Alle 70, Hamborg
- 1819: Millerntor
- 1819–1820: St.-Pauli-Kark
- 1820–1823: Krankenhuus an de Lohmühle
- 1827: Hamborgische Staatsoper
- 1838–1840: Neebau vun de Johanneum up den Domplatz in Hamborg nah sien Entwürfe (tosommen mit Franz Gustav Forsmann). He kunn sück dorbi tegen sien Schöler Alexis de Chateauneuf dörsetten.
- 1841: Neebau vun dat Hamborger Börsenbowark (tosommen mit Franz Gustav Forsmann)
Nah sien Pläns is ok de achteckig Toornupbo un de Toornhelm vun de St-Petri Kark in Buxthuud nee erricht wurrn. Ok dat klassizistisch Stadthuus-Ensemble Esplanada 29/30 (1829 boot) wurrd hüm toschreben, ok ween dat nich ganz klor is.
Literatur
[ännern | Bornkood ännern]- Dieter Schädel (Hrsg.): Wie das Kunstwerk Hamburg entstand, von Wimmel bis Schumacher. Hamburger Stadtbaumeister von 1841–1933. In: Schriftenreihe des Hamburgischen Architekturarchives. Verlag Dölling & Galitz, Hamborg 2006, ISBN 3-937-90435-2