Carl Johann Georg von Düring
Carl Johann Georg von Düring (* 10. April 1773 in Hornborg[1]; † 10. September 1862 in Maanze[1]) weer en düütschen Verwaltungsbeamten.
Von Düring is as Söhhn von Anna Marie Lucia, borene von Rönne (2. Mai 1750–16. April 1804), un Georg Albrecht von Düring (21. November 1731–16. Dezember 1801) op dat Good von de Öllern in Hornborg boren.[1][2] He weer op dat Athenaeum Bremen op School un hett later Juristeree studeert.[1] To dat Sommersemester 1791 keem he an de Universität Jena un weer von 1792 bet 1794 an de Universität Göttingen.[1] Na dat Studium is he in’n hannöverschen Justizdeenst gahn. He is 1795 Auditer bi dat Amt Mesborg worrn.[1] 1797 keem he na dat Amt Bremervöör un 1799 na dat Amt Beers.[1] Dor is he 1801 to’n Drost opstegen un 1801 in dat Amt Harsfeld wesselt.[1] 1807 is he Drost in dat Amt Winsen an de Aller worrn.[1] As 1810 dat Amt Deel von dat Königriek Westfalen worrn is, is von Düring dor Kantonsmaire un Fredensrichter worrn.[1] 1811 is dat Rebeed an dat Kaiserriek Frankriek fullen. Von Düring weer denn Elementarinnehmer in Hornborg.[1]
Nadem de Franzosen 1813 verdreven worrn sünd, is he wedder Drost von dat Amt Winsen an de Aller ween.[1] Dat is he bet 1815 bleven.[1] In dat Johr is he as Drost in dat Amt Maanze wesselt.[1] He is 1828 Oberhauptmann worrn un hett dit Amt bet 1852 behollen.[1] In dat Johr is he in Rohstand gahn.[1]
De Universität Göttingen hett em to sien 50. Deenstjubiläum an’n 5. Januar 1845 den Ehrendokter von de Juristeree geven.[3] 1839 is he Ridder von’n Guelphen-Orden worrn.[3]
He hett an’n 10. Mai 1800 in Stood Luise Sophie von Borries (26. Februar 1774–25. Januar 1817) freet.[4] Ut disse Eh harr he den Söhn Otto Albrecht (10. Januar 1807–11. April 1875), de later hannöverschen Justizminister weer. Von Düring hett denn an’n 8. August 1817 in Maanze in twete Eh Sophie von Hartwig (30. Juni 1789–28. August 1862) freet.[2] De beiden harrn de Kinner Karl Ludwig (9. April 1822–8. Dezember 1905), Wilhelm (26. Januar 1825–19. Mai 1908).[2]
Footnoten
[ännern | Bornkood ännern]- ↑ a b c d e f g h i j k l m n o p Matthias Blazek: Die Hinrichtungsstätte des Amtes Meinersen: eine Quellensammlung. Ibidem, 2008, Sied 141
- ↑ a b c =http://adelsmatrikel.de/getperson.php?personID=I773410D&tree=tree1
- ↑ a b Hof- und Staats-Handbuch für das Königreich Hannover. Berenberg, Hannover 1863, Nekrolog Sied III
- ↑ http://www.familievonborries.de/index.php/component/content/article/85-i-linie-1-ast/325-luise-v-borrries-.html
