Carl Hårleman
Carl Hårleman (* 27. August 1700 in Stockholm; † 9. Februar 1753 ok dor) weer en sweedsch Architekt un Politiker.
Leven un Wark
[ännern | Bornkood ännern]Hårleman hett bi Göran Josuae Adelcrantz (1668-1739) studeert un kreeg 1721 en Stipendium, mit dat he in Frankriek (veer Johr) un Italien studeeren kunn. 1727 wurr he nah Sweden torüchropen, um an de Bauarbeiten to dat Stockholmer Slott mittowarken, deren Leiden he af den 1740er Johren övernehm.
Mit dat Lustslott Svartsjö hett Hårleman en Rokokostil van sweedsch Prägung schafft, de in de nächst Johrteihnten bi den Bau van Slötter un Heerenhüüs domineeren sull. He hett aber ok as Gordenarchitek arbeit.
Hårleman weer ok politisch aktiv. As Liddmaat van den Rieksdag weer he wiels de Freeheitstiet övertüügt Anhänger van de Partei van de Hööt. Van 1743 bit 1753 weer He Liddmaat van den Geheimen Utschuss, dat Machtzentrum van Sweden to disse Tiet.
1744 wurr he in de Königlich Sweedsch Akademie van de Wetenschapen upnommen.
Warken (Utwahl)
[ännern | Bornkood ännern]- Slott Svartsjö
- Slott Fredrikshov
- Slott Kristineberg
- Slott Övedskloster
- Slott Gävle (Umbau)
- Herrenhuus Stola
- Herrenhuus Åkerö
- Svindersvik
- Dom van Uppsala
- Orangerie van den Linné-Gorden
- Steernwacht van Stockholm
- Bootshüüs Galärskjulen, Stockholm
Literatur
[ännern | Bornkood ännern]- Carl Hårleman. In: Herman Hofberg, Frithiof Heurlin, Viktor Millqvist, Olof Rubenson (Hrsg.): Svenskt biografiskt handlexikon. 2. Uplaag. Band 1: A–K. Albert Bonniers Verlag, Stockholm 1906, S. 532 (sweedsch, runeberg.org)
