Buddy DeFranco
.jpg)
Fotografie vun William P. Gottlieb.
Boniface Ferdinand Leonard „Buddy“ DeFranco (* 17. Februar 1923 in Camden, New Jersey † 24. Dezember 2014 in Panama City, Florida[1]) weer en US-amerikaansch Jazz-Klarinettist.
DeFranco wunn in dat Öller vun veerteihn Johren den Tommy Dorsey Swing contest. Siet 1939 is he mit Johnnie Scat Davis uptreden. In de 1940er Johren speel he in de Bands vun Gene Krupa, Ted Fiorito , Charlie Barnet, Tommy Dorsey un Boyd Raeburn. 1949 weer he an dat Avantgarde- Album Crosscurrents vun Lennie Tristano bedeeligt. 1950 wurr he Liddmaat vun dat Count Basie Septet. Dorneben hett he in de 1950er Johren as Sideman vun Art Blakey, Kenny Drew, Sonny Clark un Norman Granz un ok as Bandleader arbeit. 1951 harr he en eegen Bigband un af 1952 en Quartett (mit Kenny Drew (p), Milton Hinton (b), Art Blakey (dr)) bzw. Quintett. 1954 weer he up Europa-Tour mit Billie Holiday.
Van 1960 bit 1963 weer he Baas vun en Quartett, mit dat de Akkordeonist Tommy Gumina uptreden is un he nehm ok mit Art Blakeys Jazz Messengers en Album up. Van 1966 bit 1974 hett he dat Glenn Miller Orchestra leit (nipp un nauer de Glenn Miller Ghost Band). In de Folgetiet is he bi tallriek Festivals uptreden, geev Ünnerricht un hett mehr as hunnertfieftig Aleben upnommen. För You Must Believe in Swing kreeg he en Grammy-Nomineeren as best Jazz-Instrumentalsolist. He hett ok dat Lehrbook Hand in Hand with Hanon verapenlicht.
2006 kreeg he de NEA Jazz Masters Fellowship.
Diskographie
[ännern | Bornkood ännern]
- Mr. Clarinet (Verve, 1953) mit Art Blakey, Milt Hinton
- Free Fall (Candid, 1974) mit Victor Feldman, John Chiodini, Joe Cocuzzo, Victor Sproles
- Buenos Aires Concerts (Hep, 1980) mit Jorge Lopez Ruiz, Ricardo Lew, Jorge Navarro
- Mr. Lucky (OJC, 1982) mit Albert Dailey, George Duvivier, Ronnie Bedford, Joe Cohn
- Hark (OJC, 1985) mit Joe Pass, Oscar Peterson, Martin Drew, Niels-Henning Ørsted Pedersen
- Holiday for Swing (Contemporary, 1988) mit John Campbell, Terry Gibbs
- Like Someone in Love (Progressive, 1989) mit Tal Farlow, Derek Smith, George Duvivier, Ronnie Bedford
- Chip off the Old Bop (Concord, 1992) mit Jimmy Cobb, Keter Betts, Joe Cohn, Larry Novak
- Buddy DeFranco & Oscar Peterson Play George Gershwin (1998) mit Herb Ellis, Oscar Peterson, Ray Brown
- Gone with the Wind (Storyville, 1999) mit Todd Coolman, Jerry Coleman
- Do Nothing Till You Here from Us (Concord, 2004) mit Dave McKenna, Joe Cohn, 1999
- Cookin' the Books (Arbors, 2004) mit Butch Miles, John Pizzarelli, Martin Pizzarelli, Ray Kennedy