Buck Washington
Buck Washington (* 16. Oktober 1903 in Louisville (Kentucky) als Ford Lee Washington; † 31. Januar 1955 in New York City) weer en US-amerikaansch Jazz- Pianist, Singer un Danzer.
Buck Washington stunn all as Kind as Danzer up de Bühne un sien Karriere fung 1917 as Partner vun den Danzer John W. Sublett („Bubbles“). De beid weern gemeensam dat Team Buck & Bubbles un sünd in Theater un in’ Vaudeville uptreden. Se hebbt in de 1930er Johren tosommen in Europa tourt un harrn Uptreden in verscheeden Films as Cabin in the Sky un A Song Is Born. In de 30ern erwurb sück Washington en Reputation as vun Earl Hines beeinfloot Pianist un nehm Schallplatten mit Louis Armstrong up, as 1930 en Trompeten-Piano-Duett vun „Dear Old Southland“ un mit Armstrongs Orchester „My Sweet“. 1933 wark he bi de letzt Upnahmensession vun de Bluessingerin Bessie Smith mit un nehm 1934 Duos mit Coleman Hawkins up („I Ain't Got Nobody“, „It Sends Me“ un „On the Sunny Side of the Street“). In dat Johr speel he ok en Klaveer-Solo in („Old Fashioned Love“). Buck & Bubbles hebbt 1933 un 1936 mehrere Titel in’ Duo upnommen, 1936 ok veer Songs mit Bandbegleitung. 1953 hebbt sück John Sublett un Buck Washington trennt; he hett denn noch eenig Tiet mit Jonah Jones tosammen arbeit, as se den Komiker Timmie Rogers begleit hebbt.
Quellen
[ännern | Bornkood ännern]- Leonard Feather and Ira Gitler, The Biographical Encyclopedia of Jazz. Oxford/New York, 1999, ISBN 978-0-19-532000-8
- John Jörgensen un Erik Wiedemann: Jazzlexikon, München, Mosaik, 1967